Ind vs Zim 2nd T20: జింబాబ్వే పర్యటనలో టీమ్ఇండియా రెండో టీ20లో భారీ విజయం సాధించింది. తొలి టీ20లో 102 పరుగులకే కుప్పకూలి ఓడిన టీమ్ఇండియా రెండో మ్యాచ్లో అద్భుతంగా పుంజుకొని 100 పరుగుల తేడాతో జయకేతనం ఎగురవేసింది. అయితే ఓటమిని అంగీకరిస్తూ జింబాబ్వే కెప్టెన్ సికిందర్ రజా మ్యాచ్ అనంతంరం ఇంట్రెస్టింగ్ కామెంట్స్ చేశాడు. ఛాంపియన్లు చివరికి ఛాంపియన్లలాగే ఆడతారని అన్నాడు.
'వరల్డ్ ఛాంపియన్లు చివరికి ఛాంపియన్లలాగే ఆడతారు. క్యాచ్లు జారవిడచడం వల్ల మ్యాచ్ చేజారింది. ఈ వికెట్పై 200 పరుగులు సాధ్యమే అనుకున్నా. కానీ, వాళ్లు మరో 30 పరుగులు అదనంగా సాధించారు. ఇక ఛేదనలో కూడా మేం అనుకున్నంత రేంజ్లో రాణించలేపోయాం' అని సికిందర్ రజా అన్నాడు. కాగా, ఈ మ్యాచ్లో తొలుత బ్యాటింగ్ చేసిన టీమ్ఇండియా 234-2 పరుగుల భారీ స్కోర్ చేసింది. అనంతరం ఛేదనలో జింబాబ్వే 134 పరుగులకే కుప్పకూలింది.
