BJP Candidate Godam Nagesh Wins In Adilabad : ఆదిలాబాద్లో బీజేపీ అభ్యర్థి గోడం నగేశ్ 78 వేలకు పైగా ఓట్ల మెజారిటీతో విజయం సాధించారు. 2014లో బీఆర్ఎస్ నుంచి గెలుపొందిన నగేశ్ 2019 లోక్సభ ఎన్నికల్లో బీఆర్ఎస్ తరఫున పోటీ చేసి బీజేపీ అభ్యర్థి సోయం బాపురావు చేతిలో ఓడిపోయారు. 2024లో బీజేపీలో చేరి కాంగ్రెస్ అభ్యర్థి ఆత్రం సుగుణపై 78 వేల ఓట్ల మెజారిటీతో గెలిచారు.
సిట్టింగ్ ఎంపీ సోయం బాపురావుకు టికెట్ ఇవ్వకపోవడం, మాజీ ఎంపీ రమేశ్ రాఠోడ్ సహా ఇటీవల గెలిచిన నలుగురు ఎమ్మెల్యేల మధ్య సఖ్యత లేకపోవడంతో ఆదిలాబాద్ స్థానం బీజేపీకి సవాల్గా మారింది. దీంతో అగ్రనేతలు రంగంలోకి దిగి ఎన్నికల ప్రచారం నిర్వహించారు. సభలు పెట్టి ప్రజల ఆకర్షించి అభ్యర్థి గెలుపు దిశగా పునాదులు వేశారు.
