OTTలోకి 'గ్యాంగ్స్​ ఆఫ్ గోదావరి'- స్ట్రీమింగ్ ఎక్కడంటే?

Gangs of Godavari OTT:టాలీవుడ్ యంగ్ హీరో విష్వక్‌ సేన్‌- నేహాశెట్టి కాంబోలో తెరకెక్కిన 'గ్యాంగ్స్‌ ఆఫ్‌ గోదావరి' జూన్ 14 నుంచి ఓటీటీలో అలరించనుంది. ప్రముఖ ఓటీటీ ప్లాట్​ఫామ్ 'నెట్​ఫ్లిక్స్​'లో ఈ మూవీ స్ట్రీమింగ్ కానుంది. ఈ మేరకు మూవీ మేకర్స్ ట్విట్టర్​లో అనౌన్స్​ చేశారు. 'చరిత్రలో మిగిలిపోవడానికి లంకల రత్నం వస్తున్నాడు' అని రాసి ఉన్న పోస్టర్​ను షేర్ చేశారు. తెలుగుతోపాటు తమిళం, కన్నడ, మలయాళ భాషల్లో ఈ సినిమా అందుబాటులో ఉండనుంది. ఇక కృష్ణ చైతన్య దర్శకత్వం వహించిన ఈ సినిమా మే 31న థియేటర్లలో విడుదలై పాజిటివ్ టాక్ అందుకుంది. సీనియర్ నటి అంజలీ మూవీలో కీ రోల్​లో నటించింది.