Kalki 2898AD Collections and Records : కల్కి 2898ఏడీ ప్రీమియర్ షో నుంచే పాజిటివ్ టాక్తో ఎవరూ ఊహించని రేంజ్లో భారీ బ్లాక్బస్టర్ హిట్టాక్ అందుకుంది. అయితే ఈ చిత్రానికి తొలిరోజు రూ.180కోట్ల వసూళ్లు వచ్చాయని, పలు రికార్డులను తిరగరాసిందని బయట కథనాలు కనిపిస్తున్నాయి. కానీ మూవీటీమ్ మాత్రం దీని గురించి అఫీషియల్గా స్పందించలేదు. ఈ క్రమంలోనే చిత్ర నిర్మాతైన అశ్వినీదత్ కుమార్తె స్వప్నదత్ రికార్డులపై పోస్ట్ పెట్టారు.
"నాకు ఆశ్చర్యంగా ఉంది. చాలా మంది రికార్డ్స్ క్రాస్ చేశామా అని అడుగుతున్నారు. నాకు నవ్వొస్తుంది. ఎందుకంటే రికార్డులు సృష్టించిన వారెవరు కూడా ఆ రికార్డుల కోసం సినిమాలు తీయరు. ప్రేక్షకుల కోసం, సినిమాపై ప్రేమతో చిత్రాలను చేస్తారు. మేము కూడా అలాగే తీశాం." అని రాసుకొచ్చింది. దీంతో ఈపోస్ట్ ప్రస్తుతం వైరల్గా మారింది. స్వప్నదత్ చేసిన ఈ పోస్ట్తో కల్కి కలెక్షన్స్ అధికారికంగా ప్రకటించరా అని చాలా మంది అనుకుంటున్నారు.
