Kalki 2898 AD Breaks Jailer, Leo Movie Records : ప్రభాస్ కల్కి 2898ఏడీ బాక్సాఫీస్‌ వద్ద రికార్డులు తిరగరాస్తూ దూసుకెళ్తోంది. విడుదలైన ఆరు రోజుల్లోనే రూ.600 కోట్లకుపైగా వసూళ్లను అందుకుంది. ఈ క్రమంలోనే తాజాగా రజనీకాంత్‌, దళపతి విజయ్‌ల ఆల్టైమ్‌ రికార్డులను బ్రేక్ చేసింది. ప్రపంచవ్యాప్తంగా అత్యధిక కలెక్షన్స్‌ సాధించిన టాప్‌ 15 సినిమాల జాబితాలో జైలర్, లియోను దాటేసింది.
జైలర్ లాంగ్ రన్టైమ్లో దాదాపు రూ. 550కోట్లు, లియో రూ.612కోట్ల వరకు అందుకుంది. ఇప్పుడు కల్కి(రూ.615 కోట్లు) ఆ వసూళ్లను కేవలం ఆరు రోజుల్లోనే అధిగమించింది. ఇంకా ఈ కలెక్షన్ల జోరు కొనసాగుతూనే ఉంది. కాబట్టి ఈ చిత్రం మరిన్ని రికార్డులను సొంతం చేసుకోవడం ఖాయమని అంచనా వేస్తున్నారు.
నార్త్ అమెరికాలోనూ కల్కి హవాను కొనసాగిస్తూనే ఉంది. అక్కడ అత్యధిక వసూళ్లు సాధించిన ఆరో సినిమాగానూ నిలిచింది. ఆమిర్‌ఖాన్‌, రణ్‌వీర్సింగ్‌ నటించిన సినిమాల రికార్డులను బ్రేక్ చేసింది.
