తేజుకు అనసూయ స్ట్రాంగ్ రిప్లై - సైలెంట్​గా ఇచ్చిపడేసింది!

Anasuya Mahanati Performance Trolls : తన మహానటి డ్యాన్స్‌ పెర్ఫామెన్స్​ను ట్రోల్‌ చేస్తూ సోషల్‌మీడియాలో తేజు అనే ఓ నెటిజన్‌ పెట్టిన పోస్ట్‌పై నటి అనసూయ స్పందించింది. మర్యాదపూర్వకమైన విమర్శలను తాను ఆహ్వానిస్తానని చెప్పింది. "నేను నా మానసిక ప్రశాంతతను దృష్టిలో ఉంచుకొని కొన్ని విషయాలపై స్పందించకూడదని నిర్ణయించుకున్నాను. దాదాపు నాలుగేళ్లక్రితం ఓ ఈవెంట్‌లో మహానటి సావిత్రికి నివాళిగా నేనిచ్చిన ప్రదర్శనలోని కొన్ని డ్యాన్స్‌ మూమెంట్స్‌ను ట్రోల్‌ చేయడం, అవమానకర రీతిలో విమర్శలు చేయడం కరెక్ట్ కాదు. నా గురించి అని చెప్పట్లేదు. ఇలాంటి నివాళుల విషయంలో ఆ గొప్ప వ్యక్తులను అవమానపర్చినట్లే! ఆ షోలో నా పూర్తి ప్రదర్శన చూసిన తర్వాత మీరు ఒక నిర్ణయానికి రండి. మర్యాదపూర్వకమైన విమర్శలను నేను ఎప్పుడూ స్వాగతిస్తాను." అని అనసూయ రాసుకొచ్చింది. కాగా, అనసూయ ప్రస్తుతం పుష్ప 2తో పాటు ఫ్లాష్‌బ్యాక్‌, వోల్ఫ్‌ వంటి తమిళ చిత్రాల్లో నటిస్తోంది.