మేడిపల్లి పోలీస్ స్టేషన్ ముందు మహిళ కానిస్టేబుల్ నిరసన

Woman Constable Protest against SI at Medipally : హైదరాబాద్‌ కమిషనరేట్‌లో పని చేసే మహిళ కానిస్టేబుల్ నాగమణి రాచకొండ కమిషనరేట్ పరిధి మేడిపల్లి పోలీస్ స్టేషన్ ముందు నిరసన చేపట్టారు. తన భర్త వరుణ్​పై తప్పుడు భూ వివాదం కేసు నమోదు చేసి రిమాండ్‌ తరలించేందుకు ఎస్సై శివకుమార్ ప్రయత్నిస్తున్నారని ఆమె ఆరోపించారు. నాగమణికి, ఆమె కుటుంబ సభ్యుల మధ్య కొంత కాలంగా భూ వివాదం ఉంది.

Constable Nagamani About SI at Medipally : కానిస్టేబుల్​ నాగమణి భర్త వరుణ్‌ తమపై దాడి చేశారని భూ వివాదంలో ఉన్న ప్రత్యర్థులు మేడిపల్లి పోలీసులకు ఫిర్యాదు చేశారు. దీంతో వరుణ్​పై కేసు నమోదయింది. గతంలో ఎస్సై శివకుమార్​పై డీసీపీకి ​ఫిర్యాదు చేయడంతో, తమపై కక్ష్య సాధింపు చర్యలకు పాల్పడుతున్నారని నాగమణి ఆందోళన వ్యక్తం చేశారు. ఈ నేపథ్యంలో ఎస్సై శివకుమార్​పై కఠిన చర్యలు తీసుకోవాలని ఆమె డిమాండ్​ చేశారు.