దుర్గ గుడిలో ముగిసిన వారాహి నవరాత్రి ఉత్సవాలు - Varahi Navratri Utsavalu

Varahi Navratri Utsavalu Complete in Vijayawada : విజయవాడ దుర్గామల్లేశ్వరస్వామి దేవస్థానంలో తొలిసారిగా నిర్వహించిన వారాహి నవరాత్రి ఉత్సవాలు ఘనంగా ముగిశాయి. ఈ నెల 6న పంచ వారాహి మంత్రాలతో కలశస్థాపన, అగ్ని ప్రతిష్టాపన, పుణ్యాహవచనం, మండపారాధానలతో ఉత్సవాలను రుత్వికులు ప్రారంభించారు. అమ్మవారికి తొమ్మిది రోజులపాటు జప, హోమాలను శాస్త్రోక్తంగా నిర్వహించారు.

వారాహి మితకు పూజ చేసిన అనంతరం పూర్ణాహుతి కార్యక్రమం చేపట్టారు. ఈ నెల 6వ తేదీ నుంచి 14 వరకు వారాహి నవరాత్రి ఉత్సవాలు జరిగాయి. ప్రతి ఏటా ఆషాఢ మాసం శుద్ధ పాడ్యమి నుంచి ఆషాఢ శుద్ధ నవమి వరకు వారాహి నవరాత్రులను నిర్వహిస్తారు. ఈ నవరాత్రుల్లో అమ్మవారిని దర్శించుకోవడానికి భక్తులు పెద్ద సంఖ్యలో వచ్చారని ఆలయ ఈవో కెఎస్​ రామరావు తెలిపారు. చైత్రమాసంలో వసంత ఉత్సవాలు, ఆషాఢ మాసంలో వారాహి నవరాత్రి ఉత్సవాలు జరపడం వల్ల దేశంలో కరవు పరిస్థితులు ఏర్పడకుండా పంటలు బాగా పండుతాయని ఆలయ స్థానాచార్యులు విష్ణుభొట్ల శివప్రసాదశర్మ పేర్కొన్నారు.