LIVE : గన్‌పార్క్ వద్ద కాంగ్రెస్‌ నేతల నిరసనలు - Congress Leaders Protest At GunPark

Telangana Congress Leaders Protest At Gun Park Live : సెబీ చీఫ్​ మాదాబి పూరీ బుచ్​ రాజీనామా చేయాలని, అదానీ వ్యవహారంపై జాయింట్​ పార్లమెంట్ కమిటికీ డిమాండ్​ చేస్తూ హైదరాబాద్​లోని గన్​పార్క్​ వద్ద కాంగ్రెస్​ శ్రేణులు సమావేశం అయ్యారు. ఈ సమావేశానికి ముఖ్యమంత్రి రేవంత్​ రెడ్డి, ఉపముఖ్యమంత్రి భట్టి విక్రమార్క, మంత్రులు, ప్రజాప్రతినిధులు పాల్గొన్నారు. అనంతరం అక్కడి నుంచి ఈడీ కార్యాలయం వరకు ర్యాలీగా వెళుతున్నారు. అక్కడ ఈడీ కార్యాలయం బయట సీఎంతో సహా కాంగ్రెస్​ నాయకులు అంతా బైఠాయించి నిరసన వ్యక్తం చేయనున్నారు. ఈ కుంభకోణంపై జాయింట్‌ పార్లమెంటరీ కమిటీ వేయాలని కాంగ్రెస్ డిమాండ్ చేసినప్పటికీ కేంద్రం నుంచి ఎలాంటి స్పందన రాకపోవడంతో దేశవ్యాప్తంగా ఆందోళనలు చేయాలని ఏఐసీసీ పిలుపునిచ్చింది. కాంగ్రెస్​ పార్టీ గన్​పార్క్​ వద్ద చేస్తున్న నిరసనలపై కేటీఆర్​ ఎక్స్​ వేదికగా విమర్శలు చేశారు. అదానీకి రాష్ట్రంలోకి స్వాగతం పలికి ఇప్పుడు నిరసనలు ఏంటని ప్రశ్నించారు.