ఏడో తరగతి విద్యార్థినిపై స్వీపర్ లైంగిక దాడి - స్కూల్ బిల్డింగ్​పై దారుణం

Sweeper Raped Seventh Class Girl: బాపట్ల జిల్లాలో దారుణం చోటుచేసుకుంది. 14 ఏళ్ల వయసున్న విద్యార్థినిపై పాఠశాల పారిశుద్ధ్య కార్మికుడు లైంగిక దాడికి పాల్పడ్డాడు. ఈ ఘటనపై కేసు నమోదు చేసిన పోలీసులు నిందితుడిని అదుపులోకి తీసుకున్నారు. పోలీసులు తెలిపిన ప్రకారం వివరాలివీ బాపట్ల మండల పరిధిలోని ఓ గ్రామానికి చెందిన విద్యార్థిని వసతి గృహంలో ఉంటూ పట్టణంలోని ఓ పాఠశాలలో ఏడోతరగతి చదువుతోంది. మధ్యాహ్న భోజన విరామ సమయంలో విద్యార్థినిని పాఠశాలలో పారిశుద్ధ్య కార్మికుడిగా పనిచేస్తున్న ఇమ్మడిశెట్టి శ్రీనివాసరావు స్కూల్ బిల్డింగ్ పైకి తీసుకెళ్లి లైంగిక దాడికి పాల్పడ్డాడు. 

ఈ దారుణ ఘటనపై సహచర విద్యార్థులు వసతి గృహం అధికారి, స్కూల్ హెడ్​మాస్టార్​కు తెలిపారు. హెచ్​ఎమ్​ పోలీసులకు ఫిర్యాదు చేయటంతో కుటుంబ సభ్యుల సమక్షంలో బాధితురాలితో మాట్లాడి ఘటన వివరాలు సేకరించారు. ఈ ఘటనలో నిందితుడు శ్రీనివాసరావును అదుపులోకి తీసుకున్న పోలీసులు విచారణ చేపట్టారు. బాధిత విద్యార్థినిని వైద్య పరీక్షల నిమిత్తం స్థానిక ప్రాంతీయ ఆసుపత్రిలో చేర్పించారు. నిందితుడి పై అత్యాచారం. ఫోక్సో చట్టం కింద కేసు నమోదు చేసినట్లు పట్టణ సీఐ శ్రీనివాసులు తెలిపారు.