LIVE : అయోధ్యలో అద్భుత ఘట్టం - బాలరాముడిపై సూర్యతిలకం - Sri Rama Navami 2024

Sri Rama Navami in Ayodhya Live : ఉత్తర్​ప్రదేశ్​లోని అయోధ్యలో శ్రీరాముడి ప్రాణప్రతిష్ఠ తర్వాత జరగనున్న మొదటి శ్రీరామనవమి వేడుకల కోసం సిద్ధమైంది. ఈ నేపథ్యంలో యోగీ సర్కార్​ అయోధ్య పరిసరాల్లో భారీ బందోబస్తును ఏర్పాటు చేసింది. 560 సీసీటీవీ కెమెరాలతో ఆలయం పరిసరాలను నిరంతరం కంట్రోల్​ రూమ్​ల నుంచి పోలీసులు పర్యవేక్షించనున్నారు. శ్రీరామనవమిని పురస్కరించుకొని అయోధ్యకు లక్షల సంఖ్యలో భక్తులు సందర్శించారు.  భద్రతా కారణాల దృష్ట్యా 4 రోజుల పాటు అంటే సోమవారం నుంచి గురువారం వరకు వీఐపీ దర్శనాలను నిలిపివేస్తున్నట్లు శ్రీరామ జన్మభూమి తీర్థ క్షేత్ర ట్రస్టు ప్రధాన కార్యదర్శి చంపత్​ రాయ్​ తెలిపారు. అలాగే బాలక్​రాముడి హారతి సేవలను కూడా రద్దు చేస్తున్నట్లు ప్రకటించారు. అయోధ్య బాలరాముడి నుదుటన సూర్యకిరణాలు ప్రసరించాయి. మూడున్నర నిమిషాల పాటు ఈ అద్భుతం చోటు చేసుకుంది. 58 మిల్లీమీటర్ల పరిమాణంలో సూర్యకిరణాలు ప్రసరించాయి. ఏటా శ్రీరామనవమి రోజున ఈ దృశ్యం కనిపించనుంది. భక్తులు సూర్యతిలకాన్ని వీక్షించేందుకు ఆలయ సిబ్బంది ఏర్పాట్లు చేశారు.