దేశంలో లౌకికత్వాన్ని కాపాడాలనే బీఆర్​ఎస్​తో పొత్తు : ఆర్‌ఎస్‌ ప్రవీణ్‌కుమార్‌

RS Praveen About BRS-BSP Alliance : జాతీయ స్థాయిలో బీజేపీని నిలువరించి లౌకిక వాదాన్ని కాపాడాలన్న లక్ష్యంతోనే బీఆర్​ఎస్​తో కలిసి పనిచేయాలని నిర్ణయించుకున్నట్లు బీఎస్పీ రాష్ట్ర అధ్యక్షుడు ఆర్ఎస్ ప్రవీణ్ కుమార్ తెలిపారు. ఇరు పార్టీల స్నేహంతో రాష్ట్రం అభివృద్ధి బాటలో నడుస్తుందని ఆకాంక్షించారు. రాష్ట్రంలో కాంగ్రెస్ పాలన కూడా బీజేపీ తరహాలోనే ఉందన్న ఆయన, ఈవెంట్ మేనేజ్మెంట్​ను తలపిస్తోందని ఆరోపించారు. 

Face2Face With BSP leader RS Praveen Kumar : బీఆర్​ఎస్​ అధికారంలో ఉన్నప్పుడు అంశాలపై మాట్లాడాను తప్ప వ్యక్తులపై కాదని బీఎస్పీ రాష్ట్ర అధ్యక్షుడు ప్రవీణ్ కుమార్ వివరించారు. బహుజనుల, రైతుల, నిరుద్యోగుల కోసం పోరాటం చేశామని, వాళ్ల కోసమే బీఆర్​ఎస్​తో పొత్తు పెట్టుకున్నామని తెలిపారు. కాంగ్రెస్​ ప్రభుత్వం ప్రకటించిన ఆరు గ్యారెంటీల పథకం నామమాత్రంగా ఉందన్న ఆయన, తెలంగాణ ప్రజల భవిష్యత్​కు గ్యారెంటీ ఇవ్వలేకపోతోందని వ్యాఖ్యానించారు. తెలంగాణ ప్రజల హక్కలు పెను ప్రమాదాల్లో పడిందని, వాళ్లను కాపాడేది బీఎస్పీ-బీఆర్​ఎస్​ కూటమి మాత్రమేనని అన్నారు.