బీఆర్ఎస్, బీజేపీ పొత్తుపై రేవంత్ ​రెడ్డి మాట్లాడటం సరికాదు : రఘునందన్ రావు

Raghunandan Rao Fires On CM Revanth : బీజేపీ నిర్వహిస్తున్న విజయ సంకల్ప యాత్ర మూడవ సభ విజయవంతంగా పూర్తయిందని దుబ్బాక మాజీ ఎమ్మెల్యే రఘునందన్ రావు అన్నారు. ఈ సందర్భంగా మాట్లాడిన ఆయన బీఆర్​ఎస్​, బీజేపీ కలిసి పోటీ చేస్తున్నారంటూ మీడియాలో వస్తున్న కథనాలు నమ్మవద్దని కార్యకర్తలు, ప్రజలకు సూచించారు. లోక్​సభ ఎన్నికల్లో బీజేపీ 17 స్థానాల్లో ఒంటరిగా పోటీ చేస్తుందని స్పష్టం చేశారు. 

బీజేపీ పొత్తుపై రాష్ట్ర ముఖ్యమంత్రి రేవంత్ రెడ్డి మాట్లాడటం సరికాదని రఘునందన్ రావు హితవు పలికారు. పొత్తు ఉంటే, ఆ విషయం తమ పార్టీ ప్రకటిస్తుందని తెలిపారు. అనవరసంగా మీడియాకు ఊహగానాలు ఇవ్వద్దని సూచించారు. 5 ప్రాంతాల నుంచి ప్రారంభమైన విజయ సంకల్ప యాత్ర ప్రజా సమస్యలను ప్రస్తావిస్తూ విజయంగా కొనసాగుతోందని వెల్లడించారు. ఈ యాత్ర ద్వారా ఎందుకు తమకు ఓట్లు వేయాలన్న విషయాన్ని ప్రజలకు వివరిస్తున్నామని చెప్పారు. బీజేపీపైన, నరేంద్ర మోదీపైన ప్రజల్లో విపరీతమైన ఆదరణ పెరుగుతుందన్న రఘునందన్, పార్టీకి సంబంధించిన విషయాలపై అవాస్తవాలు చూపించొద్దని మీడియాకు విజ్ఞప్తి చేశఆరు.