ధర్మవరం అభివృద్ధి కోసం టికెట్ త్యాగం చేశా - సత్యకుమార్ను గెలిపిద్దాం: పరిటాల శ్రీరామ్ - Paritala Sriram on dharmavaram seat
By ETV Bharat Andhra Pradesh Team
Published : Mar 30, 2024, 9:37 PM IST
Paritala Sriram comments : ధర్మవరం అభివృద్ధి కోసం టికెట్ త్యాగం చేశానని తెలుగుదేశం పార్టీ నియోజకవర్గ ఇన్ఛార్జి పరిటాల శ్రీరామ్ అన్నారు. ధర్మవరం నియోజకవర్గ అభివృద్ధి కోసం తాను ఎప్పుడూ ముందు ఉంటానని పొత్తులలో భాగంగా ధర్మవరం టికెట్ బీజేపీ అభ్యర్థి సత్యకుమార్కు కేటాయించారని తెలిపారు. బీసీ వర్గానికి చెందిన సత్యకుమార్ ధర్మవరంలో గెలిచే విధంగా తాను ముందుండి నడిపిస్తానని పరిటాల శ్రీరామ్ హామీ ఇచ్చారు.
Dharmavaram Assembly Seat : ధర్మవరం బత్తలపల్లి తెలుగుదేశం పార్టీ కార్యాలయాల్లో నాయకులు కార్యకర్తలు సమావేశం నిర్వహించారు. అయిదేళ్ల క్రితం ధర్మవరంలో తెలుగుదేశం పార్టీ జెండా పట్టుకునేందుకు భయపడేవారని, తాను నియోజకవర్గ ఇన్ఛార్జిగా బాధ్యతలు తీసుకొని పార్టీని ముందుకు నడిపించి బలోపేతం చేశానన్నారు. ఈ రోజు ధర్మవరంలో టీడీపీ గెలిచే స్థాయికి తీసుకునివచ్చానని తెలిపారు. చేనేత కేంద్రమైన ధర్మవరం మరింత అభివృద్ధి చెందాలంటే సత్యకుమార్ను గెలిపించాలని పరిటాల శ్రీరామ్ పిలుపునిచ్చారు. పార్టీ ఏదైనా సరే సత్యకుమార్లో తనను చూసి ఓటు వేయాలని పేర్కొన్నారు. ప్రతి ఒక్కరూ ఇంటింటికీ తిరిగి ఓటు వేయించాలని కోరారు.