ఈ నెల 14న ధర్మవరంలో ' నిజం గెలవాలి యాత్ర ' : పరిటాల శ్రీరామ్​

Nara Bhuvaneshwari Nijam Gelavali Program in Satya Sai District : టీడీపీ అధినేత చంద్రబాబు అక్రమ అరెస్టును తట్టుకోలేక గుండె ఆగి మృతి చెందిన వారి కుటుంబాలను పరామర్శించేందుకు నారా భువనేశ్వరి ఈ నెల 14న సత్యసాయి జిల్లాలో పర్యటించనున్నారని పార్టీ ధర్మవరం ఇన్​ఛార్జ్​ పరిటాల శ్రీరామ్​ వెల్లడించారు. ఈ విషయాన్ని​ మీడియా సమావేశంలో తెలియజేశారు. భువనేశ్వరి పర్యటనను దృష్టిలో పెట్టుకొని అన్ని రకాల ఏర్పాట్లు చేశామని తెలియజేశారు. నారా భువనేశ్వరికి సాదరంగా ఆహ్వానం పలుకుతామని పేర్కొన్నారు.

Paritala Sri Ram : భువనేశ్వరి చేపట్టిన ' నిజం గెలవాలి యాత్ర ' లో భాగంలో ఈ నెల 14న బత్తలపల్లి మండలం సంజీవిపురం గ్రామంలో మృతుల కుటుంబ సభ్యులను ఆమె పరామర్శించనున్నారని శ్రీరామ్​ పేర్కొన్నారు. అదే రోజున ధర్మవరం పట్టణంలోని చేనేత కార్మికుల కుటుంబాలతో మాటామంతి కార్యక్రమంలో పాల్గొంటారని తెలిపారు. ఈ కార్యక్రమాన్ని విజయవంతం చేయాలని జిల్లా ప్రజలకు, కార్యకర్తలకు పిలుపునిచ్చారు.