Passport slots Increased: పాస్పోర్ట్ దరఖాస్తుదారులకు శుభవార్త అందింది. పాస్పోర్టు పొందేందుకు అదనపు స్లాట్లను కేటాయిస్తున్నట్లు విజయవాడ ప్రాంతీయ పాస్పోర్ట్ అధికారి శ్రీ హర్ష ఓ ప్రకటనలో తెలిపారు. ప్రస్తుతం రోజుకు 500 స్లాట్ల వరకు ఇస్తున్నారు. ఫిబ్రవరి నుంచి రోజుకు 50 స్లాట్లు అదనంగా ఏర్పాటు చేస్తున్నట్లు వెల్లడించారు. ప్రతి బుధవారం 250 అదనపు స్లాట్లను కేటాయిస్తున్నట్లు ఆర్పీఓ శ్రీ హర్ష పేర్కొన్నారు.
దరఖాస్తుదారులకు త్వరగా పాస్పోర్టు ఇచ్చేందుకు ఇప్పటికే అదనంగా కౌంటర్లు ఏర్పాటు చేసినట్లు తెలిపారు. అదనపు స్లాట్లు అందుబాటులోకి వస్తే రద్దీ మరింత తగ్గుతుందని దరఖాస్తుదారులు ఆనందం వ్యక్తం చేస్తున్నారు. దరఖాస్తుదారులు తాజా అపాయింట్ మెంట్లు, రీషెడ్యూల్ చేసుకోవాలంటే www.passportindia.gov.in వెబ్సైట్లో పొందవచ్చన్నారు.
అరకులో పాస్పోర్ట్ సేవాకేంద్రం - జిల్లా వాసుల కష్టాలకు చెక్
