బీఆర్ఎస్​ బీజేపీతో అంతర్గతంగా పొత్తు పెట్టుకుంది - అందుకే పార్టీకి రాజీనామా చేశా : ఎంపీ వెంకటేశ్​

MP Venkatesh Comments on BRS : ఇటీవల కాంగ్రెస్​లో చేరిన పెద్దపల్లి ఎంపీ వెంకటేశ్​ బీఆర్​ఎస్​పై సంచలన వ్యాఖ్యలు చేశారు. భారత రాష్ట్ర సమితి అంతర్గతంగా బీజేపీతో ఒప్పందం పెట్టుకుందని ఆరోపించారు. ఆ పొత్తు సహించలేకే కాంగ్రెస్ పార్టీలో చేరినట్లు ఆయన వెల్లడించారు. రాష్ట్రానికి రావాల్సిన పెండింగ్ ప్రాజెక్టులు, నిధులపై ఏ పార్టీతో అయితే యుద్ధం చేశామో, మళ్లీ అదే పార్టీతో పొత్తు పెట్టుకోవడం బాధ కలిగించిందన్నారు. పార్లమెంట్ ఎన్నికల్లో బీజేపీతో కలిసి నడవాలనే చర్చే రాజీనామాకు దారి తీసిందని వివరించారు.

MP Venkatesh Join Congress Reason : తాను 2019లో బీఆర్​ఎస్​ పార్టీ నుంచి ఎంపీగా గెలిచినప్పటి నుంచి పెద్దపల్లి అభివృద్ధి కోసం లోక్​సభలో తన గళం వినిపించానని వెంకటేశ్​(MP Venkatesh) తెలిపారు. రాష్ట్రానికి ప్రయోజనాలు చేకూర్చే అంశాలను ప్రస్తావించానని అన్నారు. కేంద్రం నుంచి రాష్ట్రానికి రావాల్సిన పెండింగ్​ నిధుల విషయంలోనూ తాను పోరాడానని పేర్కొన్నారు. ప్రస్తుతం బీఆర్​ఎస్​లో 'బీజేపీతో పొత్తు' అనే చర్చ రావడంతో రాజీనామా చేశానని స్పష్టం చేశారు.