నీటి పారుదల శాఖలో జరిగిన అవినీతిని కచ్చితంగా బయటపెడతాం : ఎమ్మెల్సీ మహేశ్​ కుమార్​ గౌడ్​

MLC Mahesh Kumar Goud Fires On BRS : నీటి పారుదల శాఖలో జరిగిన అవినీతిని కచ్చితంగా బయటపెడతామని కాంగ్రెస్ ఎమ్మెల్సీ మహేశ్​కుమార్ గౌడ్ అన్నారు. కేసీఆర్ అవినీతిని కాంగ్రెస్ బయట పెడుతుందనే నమ్మకంతోనే ప్రజలు తమకు అధికారం ఇచ్చారని తెలిపారు. మంత్రులు వారి వారి శాఖలపై సమీక్షలు నిర్వహిస్తుంటే, దిమ్మతిరిగే నిజాలు బయట పడుతున్నాయని, బీఆర్​ఎస్​ నేతల అవినీతి కుప్పలుగా వెలుగులోకి వస్తుందని పేర్కొన్నారు. ప్రాజెక్టుల పేరుతో చేసిన దోపిడీపై శ్వేతపత్రం ఇస్తే దానిపై దృష్టి మరల్చేందుకు బీఆర్​ఎస్​ నాయకులు నీటిని సాకుగా చూపుతున్నారని విమర్శించారు.

MLC Mahesh Kumar Goud Comments On Irrigation Department : ప్రాజెక్టుల నిర్మాణంలో వ్యయాన్ని పెంచుతూ కమీషన్‌ల కోసం రూ.లక్షల కోట్ల ప్రజాధనం దుర్వినియోగం చేశారని మహేశ్​కుమార్ గౌడ్ ఆరోపించారు. కట్టాల్సిన చోట ప్రాజెక్ట్​లు కట్టకుండా వ్యయాన్ని పెంచుతూ ఎంత వ్యయం పెరిగితే అంత కమీషన్​ వస్తుందని రూ.30-40 వేల కోట్ల ప్రాజెక్ట్​లను రూ.లక్ష కోట్లకు పెంచి కట్టిన ప్రాజెక్ట్​లు ఇవాళ సరిగ్గా లేవని మహేశ్​ కుమార్​ గౌడ్​ మండిపడ్డారు.