మేడారం జాతర గురించి మంత్రులు పొన్నం, సీతక్కల ఆసక్తికర సంభాషణ - వీడియో వైరల్

Ministers Ponnam and Seethakka Conversation Video Viral : వనదేవతల అనుగ్రహంతో ఎన్నో ఎండ్ల స్వరాష్ట్ర కల నెరవేరిందని మంత్రి పొన్నం ప్రభాకర్​ పేర్కొన్నారు. త్వరలో జరగనున్న మేడారం జాతరలో రవాణా సదుపాయాల కోసం హైదరాబాద్ నుంచి మేడారానికి రవాణా శాఖ మంత్రి పొన్నం ప్రభాకర్, పంచాయతీరాజ్ శాఖ మంత్రి సీతక్క ఒకే వాహనంలో ప్రయాణిస్తూ జాతర గురించి ఆసక్తిగా చర్చించుకున్నారు.  

మంత్రులు పొన్నం ప్రభాకర్​, సీతక్క సంభాషించుకున్న వీడియో సామాజిక మాధ్యమాల్లో వైరల్​గా మారింది. ఎప్పుడైనా మేడారం జాతరకు వచ్చారా అని మంత్రి సీతక్క పొన్నం ప్రభాకర్​ను ప్రశ్నించగా ఆయన అనేక ఆసక్తికరమైన అంశాలు చెప్పుకొచ్చారు. తెలంగాణ బిల్లు పార్లమెంట్​లో ప్రవేశపెట్టడం, తనపై పెప్పర్ స్ప్రే దాడి, అదే సందర్భంలో జాతర అంశాలను గుర్తు చేసుకున్నారు. అంతే కాకుండా మహిళలకు ఉచిత బస్సు సదుపాయం కల్పించడంతో దేవాలయాల్లో రద్దీ పెరిగిందన్నారు. త్వరలో వంట గ్యాస్ సిలిండర్​ పథకం కూడా మహిళలకు ఎంతో మేలు చేయనుందని పేర్కొన్నారు.