వంద రోజులు వంద పనులతో పర్యాటక ప్రాంతాల అభివృద్ధి: మంత్రి దుర్గేష్​ - Ministers Inspected in Nandyal

Ministers Durgesh And Farooq Inspected Nandyal Cheruvu Park: రాష్ట్రాన్ని పర్యాటక హబ్​గా చేసేందుకు ప్రత్యేక చర్యలు తీసుకుంటామని పర్యాటక శాఖ మంత్రి కందుల దుర్గేష్ అన్నారు. నంద్యాలలో మైనారిటీ సంక్షేమ శాఖ మంత్రి ఎన్​ఎండీ ఫరూక్, కలెక్టర్ జి.రాజకుమారితో కలిసి చిన్న చెరువు పార్క్​ను పరిశీలించారు. వంద రోజులు వంద పనులు కార్యక్రమం పేరుతో పర్యాటకాన్ని మరింత అభివృద్ధి చేస్తామని దుర్గేష్​ తెలిపారు. ఒక ప్రాణిళిక ద్వారా ఈ వంద రోజుల కార్యక్రమాన్ని పూర్తి చేస్తామన్నారు. 

కేవలం మాటలకే పరిమితం కాకుండా పర్యాటకం, పుణ్య క్షేత్రాలను కలుపుతూ ఆంధ్రప్రదేశ్​ను పర్యాటక హబ్​గా చేసేందుకు కృషి చేస్తామని మంత్రి దుర్గేష్​ అన్నారు. జిల్లా పర్యాటక అభివృద్ధికి సహకరించాలని మంత్రి ఫరూక్ దుర్గేష్​ను కోరారు. నిధుల కొరత ఉన్నా ప్రభుత్వ, ప్రైవేట్ భాగస్వామ్యంతో అభివృద్ధికి ప్రణాళిక రూపొందించేందుకు చర్యలు తీసుకుంటామన్నారు. రాష్ట్ర మంత్రులందరూ సమావేశమై నిధుల కొరత గురించి చర్చించి ప్రభుత్వం ఏ మేరకు సహకరిస్తుందో చెబుతామని ఆయన అన్నారు. జిల్లా పర్యాటక వివరాలు కలెక్టర్​ను దుర్గేష్​ అడిగి తెలుసుకున్నారు.