స్కూల్​లో చిరుత కలకలం- వాచ్​మెన్​ తలపై దాడి- చివరకు ఏమైందంటే? - Leopard Entered In School

Leopard Entered In School Viral Video : తమిళనాడులోని తిరుపత్తూరు మున్సిపాలిటీ పరిధిలోని సామ్ నగర్ ప్రాంతంలోని ఓ ఇంట్లో చిరుతపులి కలకలం రేపింది. దీనిపై సమాచారం అందుకున్న అటవీశాఖ అధికారులు ఘటనాస్థలికి చేరుకుని చిరుత కోసం గాలింపు చర్యలు చేపట్టారు. దీంతో చిరుత పులి ఇంట్లో నుంచి సమీపంలోని ప్రైవేట్ పాఠశాల ఆవరణలోకి దూకింది. పాఠశాల వాచ్​మెన్ గోపాల్​ తలపై చిరుత దాడి చేసి ఆ పక్కనే ఉన్న కార్​ సర్వీస్​ సెంటర్​లోకి వెళ్లింది. 

అక్కడున్న కొంతమంది యువకులు తమ ప్రాణాలను రక్షించుకోవడానికి ఓ కారులో ఎక్కి ఇరుక్కున్నారు. ఈ క్రమంలో వెంటనే అప్రమత్తమైన పోలీసులు విద్యార్థులను సురక్షితంగా బయటకు పంపించారు. గాయపడిన వాచ్​మెన్​ను తిరుపత్తూరు ప్రభుత్వాస్పత్రికి తరలించారు. ఈ నేపథ్యంలో ఘటనాస్థలికి చేరుకున్న జిల్లా కలెక్టర్ దర్పకరాజ్, ఎస్​పీ అల్​బర్ట్ జాన్​, చిరుతకు మత్తుమందు ఇచ్చేందుకు 20మంది అటవీ శాఖ సిబ్బందిని పిలిపించారు. ఈ ఆపరేషన్​లో 50మందిపైగా పోలీసులు పాల్గొన్నారు. చివరకు చిరుతను అధికారులు బంధించారు.