తెలంగాణ ఏపీల్లో ఏ రాష్ట్రం పట్ల మాకు వివక్ష లేదు : కిషన్​ రెడ్డి - kishan reddy about BJP New Government

Kishan Reddy on BJP New Government : 2047లో భారత్​ను అభివృద్ధి చెందిన దేశంగా మార్చడానికి ప్రధాని నరేంద్ర మోదీ దృఢ సంకల్పంతో పని చేస్తున్నారని కేంద్ర మంత్రి కిషన్‌ రెడ్డి అన్నారు. రైతులు, వ్యవసాయ రంగం అభివృద్ధికి కేంద్ర ప్రభుత్వం కృషి చేస్తోందని తెలిపారు. అటు తెలంగాణ, ఇటు ఆంధ్రప్రదేశ్‌ ఈ రెండు రాష్ట్రాల్లో ఏ రాష్ట్రం పట్ల తమకు వివక్ష లేదని స్పష్టం చేశారు. దేశంలో మౌలిక వసతులు, ఉపాధి అవకాశాలు పెంచి ప్రజలందరూ సంతోషంగా ఉండాలన్న సంకల్పంతో మోదీ ప్రభుత్వం పని చేస్తుందని తెలిపారు.

Kishan Reddy about PM Modi : ప్రమాణ స్వీకారానికి ముందే ప్రధాని మోదీ నేతలతో దేశాభివృద్ధి కోసం ఏం చేయాలో సమీక్షించారని కిషన్​ రెడ్డి తెలిపారు. అన్ని రాష్ట్రాలు సమానంగా ఉండాలనే దృక్పథంతో నేతలందరికీ ప్రధాని దిశానిర్దేశం చేశారని చెప్పారు. దానికి అనుగుణంగా అయిదు సంవత్సరాలు తెలుగు రాష్ట్రాల అభివృద్ధి కోసం అంకితభావంతో పనిచేస్తానని,  తమ కూటమివి నైతిక విలువలతో కూడిన ఒప్పందాలని స్పష్టం చేశారు.