సొంత జిల్లాకు నిధులు కేటాయించలేని ముఖ్యమంత్రి : టీడీపీ నేత గోవర్దన్​ రెడ్డి

Incomplete Kadapa Bangalore Railway Line in YSR District : కడప-బెంగుళూరు రైల్వేలైన్​ పనులు ఎప్పటికీ పూర్తయితాయో ముఖ్యమంత్రి జగన్​ మోహన్​ రెడ్డి చెప్పాలని తెలుగుదేశం పార్టీ జిల్లా కార్యనిర్వాహక కార్యదర్శి గోవర్దన్​​ రెడ్డి అన్నారు. మాజీ ముఖ్యమంత్రి రాజశేఖర్​ రెడ్డి హయాంలో కడప - బెంగుళూరు రైల్వే లైన్​ పనులు ప్రారంభించారు. ఆయన హయాంలోనే కడప నుంచి పెండ్లి మర్రి వరకు రైల్వే పనులు పూర్తయ్యాయి. ఆయన మరణించిన తరవాత రైల్వే లైన్​ పనులు ఆగిపోయాయి.

సీఎం జగన్​ మోహన్​ రెడ్డి అధికారంలోకి వచ్చి అయిదేళ్లు అవుతున్న తన తండ్రి ప్రారంభించిన పనులను పూర్తి చేయాలేక పోయారని గోవర్దన్​​ రెడ్డి విమర్శించారు. కడప - బెంగుళూరు రైల్వే పనులు పూర్తి అయితే ప్రజలకు వృథా ప్రయాస తగ్గుతుందని పేర్కొన్నారు. రైతులు పండించిన పంటను బెంగుళూరుకి ఎగుమతి చేసి అధిక ఆదాయాన్ని ఆర్జించ వచ్చని పేర్కొన్నారు. సీఎం సొంత జిల్లా కోసం ఒక బటన్​ నొక్కితే వైఎస్సార్​ జిల్లా వాసుల కలను సాకారం అవుతుందని వ్యాఖ్యానించారు. జగన్​ మోహన్​ రెడ్డి వెంటనే స్పందించి కడప బెంగుళూరు రైల్వే లైన్​ను పూర్తి చేయవలసిందిగా కోరుకున్నారు.