ఎవడ్రా నువ్వు ఇంతా ట్యాలెంటెడ్​గా ఉన్నావు - పిల్లిలా వచ్చి వినాయక లడ్డూ చోరీ - Ganesh Laddu Theft Viral Video

Ganesh Laddu Theft Viral Video : ఓ దొంగ వినాయకుడి చేతిలో లడ్డూను ఎత్తుకెళ్లిన దృశ్యాలు వైరల్​గా మారాయి. స్వామి వారిని ప్రతిష్ఠించిన రోజునే రాత్రి ఎవరు లేని సమయంలో గణేశ్ మండపంలోకి పిల్లిలా ప్రవేశించి లడ్డును తీసుకొని పరారయ్యాడు. ఈ ఘటన హైదరాబాద్ బాచుపల్లి పరిధిలోని ప్రగతినగర్​లో చోటుచేసుకుంది. సీసీటీవీ కెమెరాల్లో ఈ దొంగ చేసిన చోరీ స్పష్టంగా రికార్డు అయ్యింది. 

ఇవాళ ఉదయం మండపం నిర్వాహకులు వినాయకుడి చేతిలో లడ్డూ లేకపోవడంతో సీసీ ఫుటేజీని పరిశీలించగా చోరీ జరిగినట్లుగా వెలుగులోకి వచ్చింది. గుర్తుతెలియని వ్యక్తి వచ్చి లడ్డును చోరీ చేసినట్లుగా నిర్వాహకులు చెబుతున్నారు. ప్రస్తుతం ఈ వీడియో ఇప్పుడు సామాజిక మాధ్యమాల్లో తెగ వైరల్​గా మారింది. ఈచోరీ ఘటనపై పలువురు భిన్నంగా కామెంట్లు పెడుతున్నారు. దొంగతనానికి ఏమి దొరకనట్లు గణేశ్ లడ్డూను చోరీ చేయాలా? అంటూ మండిపడుతున్నారు. వీడు ఘరానా దొంగలా ఉన్నట్లున్నాడు కంటికి ఏదీ కనిపించినా వదలిలేలా లేడని కామెంట్లు పెడుతున్నారు.