మిడ్‌ మానేరు జలాశయంలో జెండా వందనం - వీడియో వైరల్ - FLAG HOISTING IN MID MANAIR

Flag Hoisting in Mid Manair Reservoir : రాష్ట్రవ్యాప్తంగా 78వ స్వాతంత్య్ర  దినోత్సవ వేడుకలు ఘనంగా జరుగుతున్నాయి. ఈ సందర్భంగా ప్రతి ఇంటిపై జాతీయ జెండాను ఎగరేయాలని ప్రధాని మోదీ పిలుపు మేరకు ప్రతిఒక్కరు జెండా ఎగురవేస్తున్నారు. ఈ నేపథ్యంలో రాజన్న సిరిసిల్ల జిల్లాలోని మిడ్‌ మానేరు జలాశయంలో మత్స్యకారులు వినూత్నంగా జాతీయ జెండాను ఎగరవేశారు. వేములవాడ పురపాలక పరిధికి చెందిన నాంపల్లి ముదిరాజ్ సంఘం మత్స్యకారులు దేశభక్తిని చాటుకున్నారు.  

Har Ghar Tiranga in Telangana : తెప్పలపై వెళ్లి మిన్ మానేరు మధ్య లో జాతీయ జెండా ఆవిష్కరించారు. ప్రాజెక్టులో మునిగిపోయిన తమ ఊరిలోనే జెండా ఎగురవేశారు. జలాశయంతో తమ గ్రామానికి ఉన్న అనుబంధాన్ని గుర్తు చేసుకున్నారు. మరోవైపు హర్​ఘర్ తిరంగా కార్యక్రమంలో భాగంగా ఒకవైపు నేతలు, మరోవైపు విద్యార్థులు పలు కార్యక్రమాలు చేపడుతున్నారు. వేర్వేరు చోట్ల పాఠశాల విద్యార్థులు ర్యాలీ నిర్వహించి జాతీయ జెండాలతో నినాదాలు చేశారు. ఆయా ప్రాంతాల్లో విద్యార్థులు నిర్వహించిన స్వతంత్య్ర కాలం నాటి నాటికలు ఆకట్టుకున్నాయి.