కుమారుడి ప్రాణం కాపాడేందుకు ఆక్సిజన్​ సిలిండర్​తో పరుగులు తీసిన తండ్రి - Father Oxygen Cylinder Video

Father Holding Oxygen Cylinder in KGH Viral Video : ఆంధ్రప్రదేశ్​లోని విశాఖపట్నం కేజీహెచ్‌లో నెలలు నిండని బిడ్డ ఆరోగ్యాన్ని కాపాడేందుకు ఓ తండ్రి పడిన కష్టానికి సంబంధించిన వీడియో సామాజిక మాధ్యమాల్లో వైరల్‌గా మారింది. తూర్పుగోదావరి జిల్లా కోటనందూరుకు చెందిన అల్లు శిరీష అనే గర్భిణీని కుటుంబసభ్యులు మంగళవారం కేజీహెచ్ ప్రసూతి విభాగంలో చేర్పించారు. నెలలు నిండకుండానే బిడ్డకు జన్మినివ్వడంతో ఆ శిశువును పిల్లల వార్డుకు అనుబంధంగా ఉన్న ఎన్​ఐసీయూలోలో ఉంచాలని వైద్యులు సూచించారు. దీంతో ఆ పసికందుకు ఆక్సిజన్‌ పెట్టి ఎన్​ఐసీయూ (నియో​ ఇంటెన్సివ్​ కేర్​ యూనిట్)కు బయలుదేరారు. 

KGH Viral Video : సమయానికి సిబ్బంది లేకపోవడంతో తండ్రి ఆక్సిజన్ సిలిండర్‌ను భుజాన వేసుకొని నర్సు వెనుక నడిచారు. ఈ దృశ్యాన్ని అక్కడున్నవారు  వీడియో తీసి సామాజిక మాధ్యమాల్లో పెట్టడంతో వైరల్‌గా మారింది. విషయం తెలుసుకున్న ఆసుపత్రి పర్యవేక్షక వైద్యులు, సిబ్బందిని పిలిచి ఆగ్రహం వ్యక్తం చేశారు. ఇటువంటి ఘటనలు పునరావృతం కాకూడదని ఆదేశించారు. ఇక నుంచి కేజీహెచ్​లో బ్యాటరీ వాహనాన్ని అందుబాటులో తెస్తామని తెలిపారు.