ధోనీ ఫ్యామిలీ టైమ్- పెంపుడు శునకంతో అలా- వీడియో వైరల్

ధోనీ ఫ్యామిలీ టైమ్- కూతురితో కలిసి పెంపుడు శునకంతో అలా

Ms Dhoni Ziva Singh : భారత మాజీ కెప్టెన్ ఎమ్​ఎస్ ధోనీ సమయం దొరికినప్పుడల్లా ఫ్యామిలీతో గడిపుతుంటాడు. భార్య, కూతురితో సరదాగా ఉంటూ ఫ్యామిలీ మ్యాన్​లా మారిపోతాడు. ఈ ఫొటోలు, వీడియోలు తన కుమార్తె జీవా సింగ్ సోషల్ మీడియాలో షేర్ చేస్తుంటుంది. తాజాగా మరో క్యూట్ వీడియో ఇంటర్నెట్​లో చక్కర్లు కొడుతోంది.

ధోనీ తన కూతురు జీవాతో కలిసి తమ పెంపుడు శునకంతో గడిపిన క్షణాలను చెన్నై సూపర్ కింగ్స్ ట్విట్టర్​లో షేర్ చేసింది. ధోనీ తన శునకాన్ని ప్రేమగా లాలిస్తున్నట్లు వీడియోలో కనిపిస్తోంది. దాని పట్ల ఎంతో శ్రద్ధ వహిస్తూ దువ్వెనతో సున్నితంగా దువ్వుతుండగా, కుమార్తె జీవా కూడా సహాయం చేసింది. తాను మరో దువ్వెన అందిస్తూ శునకంతో ఆడుతుంది. ఆ శునకాన్ని కూడా ధోనీ తమ ఫ్యామిలీ మెంబర్​లాగా చూసుకుంటారని ఈ వీడియో చూస్తుంటే అర్థమవుతోంది. ఇక ధోనీకి జంతువుల పట్ల ఎంతో ప్రేమ, శ్రద్ధ ఉందంటూ ఫ్యాన్స్ కామెంట్ చేస్తున్నారు.

Therapawtic!💛

📹 : ziva singh dhoni pic.twitter.com/Qs4yoybB60

— Chennai Super Kings (@ChennaiIPL) January 8, 2025

అయితే మిస్టర్ కూల్ ధోనీ సోషల్ మీడియాకు మాత్రం దూరంగా ఉంటారు. ఫేస్​బుక్, ఇన్​స్టాగ్రామ్, ట్విట్టర్​లో అకౌంట్​లు ఉన్నప్పటికీ ధోనీ ఎక్కువగా పోస్ట్​లు షేర్ చేయడు. 2024 జులైలో అతడు ఇన్​స్టాగ్రామ్​లో చివరిసారిగా పోస్ట్ షేర్ చేశాడు. అయితే సోషల్ మీడియాలో యాక్టీవ్​గా ఉండాలని తన మేనేజర్లు పలుమార్లు సూచించినప్పటికీ ధోనీ ఆ సలహాలను లెక్కచేయలేదనని ఇటీవల పాల్గొన్న ఓ ఇంటర్వ్యూలో తెలిపాడు.

2025 IPLలోనే
ఇక మరో మూడు నెలల్లో ధోనీని మైదానంలో చూడవచ్చు. 2025 ఐపీఎల్​లో ధోనీ చెన్నై సూపర్ కింగ్స్​ తరఫున బరిలో దిగనున్నాడు. రిటెన్షన్స్​లో ధోనీని చెన్నై అన్​క్యాప్డ్ ప్లేయర్​గా రూ.4 కోట్ల ధరకు అట్టిపెట్టుకుంది.

న్యూ ఇయర్ స్పెషల్ డ్యాన్స్
ధోనీ తన భార్య సాక్షితో కలిసి గోవాలో న్యూ ఇయర్ వేడుకల్లో పాల్గొన్నాడు. ఈ వేడుకలో సాక్షితో కలిసి డ్యాన్స్ చేశాడు. ఈ వీడియో సోషల్ మీడియాలో వైరల్ అయ్యింది. వీరిద్దరూ కలిసి చేసిన డ్యాన్స్‌ అభిమానులను ఆకట్టుకుంటుంది.