LIVE : తెలంగాణ శాసనసభ సమావేశాలు - Telangana Assembly Session Live

Telangana Assembly Session Live : అసెంబ్లీ సమావేశాలు ఇవాళ ఉదయం 10 గంటలకు మళ్లీ ప్రారంభమయ్యాయి. మహిళా ఎమ్మెల్యేలపై సీఎం వ్యాఖ్యలపై బీఆర్ఎస్ వాయిదా తీర్మానం ఇచ్చింది. సీఎం రేవంత్‌రెడ్డి వ్యాఖ్యలపై చర్చ కోసం తీర్మానం ఇచ్చింది. ఎమ్మెల్యేలు, సభ ప్రతిష్టకు భంగం కలిగేలా సీఎం వ్యాఖ్యలు చేశారని ఆరోపించింది. మరోవైపు బుధవారం రోజున సభలో అధికార, విపక్షాల మధ్య వాడివేడిగా కొనసాగింది. సవాళ్లకు, ప్రతిసవాళ్లు చేసుకుంటూ ప్రతిపక్ష నేతలు ఆందోళనలు చేశారు. ఈ నేపథ్యంలో సభాపతి ప్రసాద్​ కుమార్​ సమావేశాలను గురువారానికి వాయిదా వేశారు. ఇవాళ అసెంబ్లీ సమావేశాల్లో 'హైదరాబాద్ మెట్రో సిటీ'లో సుస్థిర పట్టణాభివృద్ధిపై స్వల్పకాలిక చర్చ జరుగుతోంది. అదే విధంగా స్కిల్ యూనివర్సిటీ, సివిల్ కోర్టుల చట్ట సవరణ, తెలంగాణ చట్టాల బిల్లులపైనా చర్చిస్తున్నారు. శాసనమండలి, శాసనసభ రెండిట్లోనూ గురువారం కూడా ప్రశ్నోత్తరాలు రద్దు చేశారు. తెలంగాణ శాసనసభలో ప్రవేశపెట్టిన బిల్లులపై చర్చ అనంతరం శాసనమండలిలోనూ చర్చించి ఆమోదించుకోవాల్సి ఉంది.