ఎంపీగా గెలిపిస్తే పాలమూరు - రంగారెడ్డి ప్రాజెక్టుకు జాతీయ హోదా కోసం కృషి చేస్తా : మల్లు రవి - Mallu Ravi about MP Elections

Congress MP Candidate Mallu Ravi on MP Elections : పాలమూరు - రంగారెడ్డికి జాతీయ హోదా తీసుకొచ్చేందుకు పార్లమెంట్​లో​ కృషి చేస్తానని నాగర్ కర్నూల్ కాంగ్రెస్​ ఎంపీ అభ్యర్థి మల్లు రవి పేర్కొన్నారు. కాంగ్రెస్​ పార్టీ తరఫున రానున్న రోజుల్లో నాగర్ కర్నూల్ పార్లమెంటు పరిధిలో స్కిల్ డెవలప్​మెంట్​ ద్వారా నిరుద్యోగులకు ఉద్యోగ అవకాశాలు కల్పిస్తానని అన్నారు. నియోజకవర్గంలో మీడియా సమావేశం నిర్వహించి ఆయన మాట్లాడారు.

Mallu Ravi about Palamuru Rangareddy Project : అలంపూర్, కొల్లాపూర్ నాగర్ కర్నూల్ గుండా జాతీయ రహదారి కోసం కేంద్ర మంత్రి నితిన్​ గడ్కరీతో సంప్రదింపులు జరుపుతున్నామని, తాను గెలిచిన వెంటనే నేషనల్​ హైవే ప్రాజెక్టు అమలు చేయిస్తానని మల్లు రవి పేర్కొన్నారు. రానున్న రోజుల్లో బీజేపీ పార్టీ ఎస్సీ, ఎస్టీ, బీసీ, మైనార్టీ రిజర్వేషన్లు ఎత్తివేస్తుందని, దీని వల్ల బడుగు బలహీన వర్గాల వారు ఇబ్బందులకు గురవుతారని మండిపడ్డారు. ప్రజలందరూ కాంగ్రెస్​ పార్టీకి ఓటు వేసి గెలిపించాలని కోరారు.