అసెంబ్లీలో చంచల్​గూడ Vs చర్లపల్లి జైలు అంశం - సీఎం రేవంత్​కు జగదీశ్ రెడ్డి కౌంటర్ - telangana assembly 2024

CM Revanth vs Jagadish Reddy : శాసనసభలో పద్దులపై చర్చలో భాగంగా విద్యుత్​ అంశంపై సీఎం రేవంత్​ రెడ్డి, మాజీ మంత్రి జగదీశ్​ రెడ్డి మధ్య కొద్దిసేపు మాటల యుద్ధం సాగింది. నువ్వు జైలుకు వెళ్లావు అంటే లేదు నువ్వే జైలుకు వెళ్లావు అనే రీతిలో ఇద్దరి మధ్య వాగ్వాదం చెలరేగింది. ముందుగా సీఎం రేవంత్​ రెడ్డి మాట్లాడుతూ, మాజీ విద్యుత్​ శాఖ మంత్రి జగదీశ్​ రెడ్డి చర్లపల్లి జైల్​లో ఉన్నట్లు మాట్లాడుతున్నారని అన్నారు. సత్యహరిశ్చంద్రుడికి ప్రతిరూపంలా కేసీఆర్​ను జగదీశ్వర్​ రెడ్డి చెబుతున్నారని దుయ్యబట్టారు. 

సీఎం చేసిన వ్యాఖ్యలకు బీఆర్​ఎస్​ నేత జగదీశ్​ రెడ్డి కౌంటర్​ ఇచ్చారు. రేవంత్​ రెడ్డి చర్లపల్లి జైలు జీవితం అనుభవాలను గుర్తు చేసుకుంటున్నట్లు ఉన్నారని వ్యాఖ్యానించారు. ఆయన చర్లపల్లి జైలుకు ఎందుకు వెళ్లారో అందరికీ తెలుసునని వ్యాఖ్యానించారు. తాను తెలంగాణ ఉద్యమం సమయంలో చంచల్​గూడ జైలుకు వెళ్లింది మాత్రం గుర్తుందని, చర్లపల్లి జైలు సంగతి మరి ముఖ్యమంత్రికే తెలియాలి అంటూ కౌంటర్ వేశారు.