LIVE : సూర్యాపేటలో కేసీఆర్ మీడియా సమావేశం - BRS CHIEF KCR PRESS MEET LIVE

BRS Chief KCR Tour in Combined Nalgonda District Live : జనగామ జిల్లా దేవరుప్పుల మండలానికి విచ్చేసిన బీఆర్​ఎస్​ అధినేత కేసీఆర్​ ధరావత్ తండాలో ఎండిన పంట పొలాలను పరిశీలించారు. ఎర్రవెల్లి నుంచి నేరుగా ధరావత్ తండాకు వచ్చి, సాగు నీరు లేక ఎండిన వరి చేలను పరిశీలించారు. రైతులతో మాట్లాడి, వారి ఇబ్బందులను అడిగి తెలుసుకున్నారు. పంట నష్ట పరిహారం ఇప్పించేలా చూడాలంటూ అన్నదాతలు ప్లకార్డులు ప్రదర్శించారు. చేతికందే దశలో పంటలు ఎండిపోయాయని, తమను ఆదుకోవాలని కేసీఆర్​ను కోరారు. రైతులు ధైర్యం కోల్పోవద్దని, పార్టీ అన్ని విధాలుగా అండగా ఉంటుందని కేసీఆర్ భరోసా ఇచ్చారు. రైతు ఆంగోతు సత్తెమ్మ కుమార్తె పెళ్లికి రూ.5 లక్షల రూపాయల సాయాన్ని ప్రకటించారు. కేసీఆర్ వెంట బీఆర్​ఎస్​ నేతలు ఎర్రబెల్లి దయాకర రావు, సత్యవతి రాఠోడ్, పల్లా రాజేశ్వర్​ రెడ్డి, మాలోత్ కవిత, తదితర నేతలు ఉన్నారు. పంటల పరిశీలన అనంతరం కేసీఆర్​ సూర్యాపేటలో మీడియా సమావేశం ఏర్పాటు చేసి మాట్లాడుతున్నారు.