మిర్చి కోతలకు వెళ్తున్న ఆటో బోల్తా - 15 మందికి గాయాలు - Auto Accident

Auto Accident in Anantapur District : వ్యవసాయ పనులకు కూలీలతో వెళ్తున్న ఓ ఆటో బోల్తా పడింది. ఈ ఘటన అనంతపురం జిల్లాలో జరిగింది. ఉరవకొండ మండలం బూదగవి వద్ద కూలీలతో వెళుతున్న ఆటో బోల్తా పడింది. ఈ ప్రమాదంలో 15 మందికి తీవ్ర గాయాలయ్యాయి. ప్రమాదంలో గాయపడిన వారిని స్థానికులు గమనించి హుటాహుటిన ఉరవకొండ ప్రభుత్వ ఆసుపత్రికి తరలించారు. గాయపడిన వారంతా విడపనకల్లు మండలం మాళపురం గ్రామానికి చెందిన వారిని స్థానికులు తెలిపారు.

Auto Overturned at Boodagavi : విడపనకల్లు మండలం మాళపురం నుంచి ఉరవకొండ మండలం ఇంద్రావతికి మిర్చి కోత పనికి వెళ్తున్న సమయంలో ఈ ప్రమాదం జరిగింది. వీరిలో నలుగురి పరిస్థితి విషమంగా ఉండడంతో అనంతపురం ఆసుపత్రికి తరలించారు. వేగంగా వస్తున్న ఆటోకు గొర్రెలు అడ్డురావడంతో ఈ ప్రమాదం జరిగినట్లు కూలీలు తెలిపారు. విషయం తెలుసుకున్న కుటుంబ సభ్యులు ఉరవకొండ ప్రభుత్వ ఆసుపత్రికి హుటాహుటిన చేరుకున్నారు. గాయాలు అయిన తమ వారిని చూసి కన్నీరు మున్నీరుగా విలపించారు.