ఇంటి బాత్​రూమ్​లో 35 పాములు- వీడియో వైరల్ - 35 Snakes In Home

35 Snakes In Home At Assam : ఇంట్లో ఎక్కడైనా ఒక్క పామును చూస్తేనే భయపడిపోతాం. అలాంటిది ఒకేసారి 35 పాములు కనిపిస్తే ఇంకా అంతే కదా. ఇలాంటి ఘటనపై అసోంలో జరిగింది.  

నాగావ్​ జిల్లాలోని కాలియాబోర్​ ప్రాంతానికి చెందిన ఓ వ్యక్తి కొత్తగా ఇంటిని నిర్మించుకుంటున్నాడు. అయితే ఒక్కసారిగా ఇంటి బాత్​రూమ్​లో పాములు కనిపించాయి. భయంతో అతడు​ పక్కనే ఉన్నవాళ్లను పిలిచాడు. స్థానికులు వెంటనే స్నేక్​ క్యాచర్​ సంజీబ్​ దేకాకు సమాచారం అందించారు. ఘటనా స్థలానికి చేరుకున్న స్నేక్​ క్యాచర్​ ఆ ప్రాంతంలో పరిశీలించి చూస్తే, అనేక పాములు కనిపించాయి. ఒక్కొక్కటిగా మొత్తం 35 పాములను పట్టుకున్నాడు. సురక్షితంగా వేరే ప్రాంతంలో వదిలిపెట్టాడు. ఒక్కసారిగా స్థానికులు అన్ని పాములను చూసి భయపడిపోయారు. ప్రస్తుతం ఈ పాముల వీడియో వైరల్​ అవుతోంది. 

"ఓ ఇంట్లో పాములు ఉన్నాయని నాకు ఫోన్​ వచ్చింది. ఘటనా స్థలానికి వెళ్లి చూసినప్పుడు అక్కడ చాలా పాములు ఉన్నట్లు నేను గుర్తించాను. దాదాపు 35 పాములు పట్టుకున్నా. తర్వాత వాటని జోయిసాగ్​ దలానీ ప్రాంతంలో వదిలి పెట్టాను" అని సంజీబ్​ దేకా తెలిపారు.