YouTube AI Features : ప్రముఖ వీడియో షేరింగ్ ప్లాట్ఫాం యూట్యూబ్ త్వరలో 3 సరికొత్త ఏఐ-పవర్డ్ ఫీచర్లను అందుబాటులోకి తేనుంది. వీటి ద్వారా పెద్దపెద్ద వీడియోలను సులువుగా నావిగేట్ చేయడానికి, కామెంట్స్ సమ్మరైజ్ చేసుకోవడానికి వీలవుతుంది. అంతేకాదు ఎడ్యుకేషన్ వీడియోస్లో నేరుగా ప్రశ్నలు అడగడానికి, సమాధానాలు రాబట్టడానికి అవకాశం ఏర్పడుతుంది. మరెందుకు ఆలస్యం ఆ నయా ఫీచర్లపై మనమూ ఓ లుక్కేద్దాం రండి.
AI Video Navigation Tool : పెద్దపెద్ద వీడియోలను పూర్తిగా చూడడం చాలా బోరింగ్గా ఉంటుంది. అందుకే యూట్యూబ్ కొత్తగా ఏఐ వీడియో నావిగేషన్ టూల్ను తెచ్చింది. దీని ద్వారా ఒక వీడియోలోని మంచి ఇంట్రెస్టింగ్ పాయింట్ వద్దకు లేదా సెగ్మెంట్ వద్దకు నేరుగా వెళ్లవచ్చు. ఇందుకోసం మీరు వీడియోపై రెండు సార్లు నొక్కాలి. వెంటనే మీకొక బటన్ కనిపిస్తుంది. దానిని ట్యాప్ చేయగానే సదరు వీడియోలోని మంచి ఇంట్రెస్టింగ్ సెగ్మెంట్లోకి మనం వెళ్లిపోతాయి.
ప్రస్తుతం ఈ ఏఐ ఫీచర్ అమెరికాలోని కొంత మంది ప్రీమియం సబ్స్క్రైబర్లకు మాత్రమే అందుబాటులో ఉంది. త్వరలో దీనిని మిగతా యూజర్లకు కూడా అందుబాటులోకి తెచ్చే అవకాశం ఉంది.
AI Categorized Comments : పెద్ద వీడియోల్లో చాలా టాపిక్స్ ఉంటాయి. కనుక వాటి కింద బోలెడ్ కామెంట్స్ వస్తూ ఉంటాయి. ఈ కామెంట్స్ అన్నింటినీ టాపిక్ వైజ్గా సార్ట్ (Sort) చేసుకోవచ్చు. అంటే అంశాల వారీగా క్రమబద్ధీకరించుకోవచ్చు.
ఈ నయా ఏఐ ఫీచర్ వల్ల యూజర్లకు నచ్చిన కంటెంట్ గురించి క్రియేటర్లు తెలుసుకోవడానికి వీలవుతుంది. అలాగే ఫీడ్ బ్యాక్ ద్వారా యూజర్లకు నచ్చిన వీడియోలను చేయడానికి అవకాశం ఏర్పడుతుంది. అలాగే నెగిటివ్ కామెంట్స్ను, వీడియోలోని అనవరసమైన భాగాలను తొలగించడానికి అవకాశం ఏర్పడుతుంది.
AI Ask Button : యూట్యూబ్ 'ఎడ్యుకేషనల్ వీడియో'ల కోసం Ask అనే సరికొత్త ఏఐ బటన్ను తీసుకువచ్చారు. దీనితో వీడియోను ఆపకుండానే, నేరుగా ఎడ్యుకేటర్తో ఇంటరాక్ట్ కావచ్చు. ఎలా అంటే, మీరు 'ఆస్క్' బటన్పై క్లిక్ చేసి ప్రశ్నలు వేయవచ్చు. సమాధానాలు చెప్పవచ్చు. కంటెంట్ క్రియేటర్లు క్విజ్ నిర్వహించుకోవచ్చు. కంటెంట్ రికమండేషన్స్ కూడా చేయవచ్చు. అయితే ప్రస్తుతానికి ఈ మూడు ఏఐ ఫీచర్లు కొంత మంది ప్రీమియం యూజర్లకు మాత్రమే అందుబాటులో ఉన్నాయి. త్వరలోనే వీటిని మిగతా యూజర్లకు కూడా అందుబాటులోకి తెచ్చే అవకాశం ఉంది.
OpenAI న్యూ 'వాయిస్ క్లోనింగ్ టెక్నాలజీ' - రిలీజ్ చేస్తే రిస్కే! - OpenAI Voice Engine
