World Slimmest Foldable Phone OPPO Find N5: ప్రపంచంలోనే అత్యంత స్లిమ్ ఫోల్డబుల్ స్మార్ట్ఫోన్ మార్కెట్లోకి ఎంట్రీ ఇవ్వబోతోంది. ఒప్పో దీన్ని చైనాలో లాంఛ్ చేసేందుకు సన్నాహాలు చేస్తోంది. కంపెనీ ఈ ఫోల్డబుల్ ఫోన్ను 'ఒప్పో ఫైండ్ N5' పేరుతో తీసుకురానున్నట్లు తెలుస్తోంది. దీన్ని భారత్తో పాటు ప్రపంచ మార్కెట్లో కూడా లాంఛ్ చేసే అవకాశం ఉంది. ఒప్పో భారత్లో ఈ ఫోల్డబుల్ స్మార్ట్ఫోన్ను భారత్లో 'వన్ప్లస్ ఓపెన్ 2' పేరుతో తీసుకురావచ్చు. ఈ నేపథ్యంలో ఈ అప్కమింగ్ ఫోన్ లాంఛ్కు ముందు ఒప్పో దీన్ని 'ఐప్యాడ్ ప్రో M4'తో పోల్చింది. తద్వారా ఈ ఫోన్ ఎంత స్లిమ్ డిజైన్తో వస్తుందో తెలిపింది.
ప్రపంచంలోనే అత్యంత సన్నని ఫోల్డబుల్ స్మార్ట్ఫోన్: ఈ అప్కమింగ్ ఫోల్డబుల్ స్మార్ట్ఫోన్పై ఒప్పో ఓవర్సీస్ మార్కెటింగ్, సేల్స్ అండ్ సర్వీసెస్ ప్రెసిడెంట్ బిల్లీ జాంగ్ 'X' లో ఒక పోస్ట్‌ను షేర్ చేశారు. దీనిలో ఆయన 'ఐప్యాడ్ ప్రో M4' మందం, ఒప్పో అప్కమింగ్ ఫోల్డబుల్ ఫోన్ 'ఒప్పో ఫైండ్ N5' మందాన్ని పోల్చి చూపించారు. ఈ పోస్ట్లో 'ఒప్పో ఫైండ్ N5' ఫోల్డబుల్ ఫోన్ అయినప్పటికీ ఇది యాపిల్ డివైజ్ కంటే సన్నగా కనిపిస్తుంది.
I can't believe how slim our latest foldable is.
— Billy Zhang (@BillyZhangOPPO) January 24, 2025
We've pushed our engineering to ensure an optimal experience, folded or unfolded, and I can't wait for users to get their hands on it next month. #OPPOFindN5 pic.twitter.com/8j0zEO2gEf
బిల్లీ తన పోస్ట్లో ఈ కొత్త ఫోల్డబుల్ ఫోన్ ఇంత సన్నగా ఉండటాన్ని చూసి తానే నమ్మలేకపోతున్నట్లు చెప్పుకొచ్చారు. అంటే ఈ ఫోన్ చాలా స్లిమ్ డిజైన్తో ఉందని చెప్పే ఉద్దేశంతో ఆ విధంగా వర్ణించారు. ఈ ఫోన్ను ఫోల్డ్ చేసినా లేదా అన్ఫోల్డ్ చేసినా యూజర్లకు గొప్ప అనుభవాన్ని కలిగేలా తమ ఇంజనీర్ల ద్వారా దీన్ని డిజైన్ చేసినట్లు వెల్లడించారు. ఈ క్రమంలో దీన్ని యూజర్ల చేతికి అందించడంలో ఇంక ఆలస్యం చేయమని, వచ్చే నెలలోనే ఈ ఫోన్ను లాంఛ్ చేయనున్నట్లు కన్ఫార్మ్ చేశారు. అయితే కంపెనీ ఈ ఫోన్ రిలీజ్ డేట్ను మాత్రం ఇంకా ప్రకటించలేదు.
ఈ అప్కమింగ్ ఫోల్డబుల్ స్మార్ట్ఫోన్ మందం ఎంతంటే?: ప్రపంచంలోనే అత్యంత స్లిమ్ డిజైన్లో ఈ ఫోల్డబుల్ ఫోన్ వస్తుంది అంటే దీని మందం ఎంత ఉంటుందో తెలుసుకోవడంపై అంతా ఆసక్తి చూపిస్తుంటారు. ఈ నేపథ్యంలో మందం విషయానికి వస్తే ఈ అప్కమింగ్ ఒప్పో ఫోల్డబుల్ ఫోన్ను విప్పినప్పుడు దాని థిక్నెస్ 4mm ఉంటుందని కంపెనీ చెబుతోంది. ఇది గానీ జరిగితే 'ఒప్పో ఫైండ్ N5' ప్రపంచంలోనే అత్యంత సన్నని ఫోల్డబుల్ స్మార్ట్ఫోన్గా అవతరిస్తుంది. ప్రస్తుతం ప్రపంచంలోనే అత్యంత సన్నని స్మార్ట్ఫోన్ 'హానర్ మ్యాజిక్ V3'. ఇది 4.35mm మందం కలిగి ఉంది. ఇక ఇప్పుడు కంపెనీ ఈ అప్కమింగ్ ఫోల్డబుల్ స్మార్ట్ఫోన్ను కంపార్ చేస్తున్న 'ఐప్యాడ్ ప్రో M4' ఫోన్ 5.1mm మందాన్ని కలిగి ఉంది.
When it comes to slimness, we've got the edge. #OPPOFindN5 pic.twitter.com/x9fOHe8vsv
— OPPO (@oppo) January 23, 2025
'ఒప్పో ఫైండ్ N5' లేదా 'వన్ప్లస్ ఓపెన్ 2' అంచనా స్పెసిఫికేషన్లు: మరోవైపు ఒప్పో చీఫ్ ప్రొడక్ట్ ఆఫీసర్, వన్ప్లస్ వ్యవస్థాపకుడు పీట్ లా కూడా ఈ స్మార్ట్ఫోన్పై తన ఎక్స్ వేదికగా ట్వీట్ చేశారు. అందులో 'ప్రపంచంలోనే అత్యంత సన్నని ఫోల్డబుల్ స్మార్ట్ఫోన్ వస్తోంది' అంటూ రాసుకొచ్చారు. ఆయన ఈ పోస్ట్తో పాటు ఓ పిక్చర్ను కూడా షేర్ చేశారు. ఆ చిత్రంలో ఒప్పో ఈ అప్కమింగ్ ఫోల్డబుల్ ఫోన్ మందం పెన్సిల్ కంటే తక్కువగా ఉండటం కనిపిస్తోంది.
The world's thinnest foldable is coming 🤏 #OPPOFindN5 pic.twitter.com/WhTybLclKm
— Pete Lau (@PeteLau) January 14, 2025
ఒప్పో ఈ ఫోన్ స్పెసిఫికేషన్స్, ఫీచర్లపై అధికారికంగా ఎలాంటి సమాచారం అందించలేదు. అయితే కొన్ని మీడియా నివేదికల ప్రకారం ఈ అప్కమింగ్ ఫోల్డబుల్ ఫోన్ 2K రిజల్యూషన్‌తో 6.85-అంగుళాల LTPO స్క్రీన్తో రావచ్చు. ఈ 'ఒప్పో ఫైండ్ N5' ఫోన్ 5,900mAh బ్యాటరీతో వస్తుందని తెలుస్తోంది. అయితే దీని ఇండియన్ వేరియంట్ 'వన్ప్లస్ ఓపెన్ 2' మాత్రం 4,805mAh బ్యాటరీని కలిగి ఉంటుందని సమాచారం.
వీటితోపాటు కంపెనీ ఈ ఫోన్లో ప్రాసెసర్ కోసం క్వాల్కామ్ స్నాప్‌డ్రాగన్ 8 ఎలైట్ సిస్టమ్-ఆన్-చిప్‌ను ఉపయోగించొచ్చు. ఇక కెమెరా విషయానికి వస్తే దీని వెనక భాగంలో ట్రిపుల్ కెమెరా సెటప్ ఉండొచ్చు. ఇది హాసెల్‌బ్లాడ్ టెక్నాలజీతో వస్తుంది. వీటితో పాటు ఈ ఫోన్ వాటర్ రెసిస్టెన్సీతో IPX9 రేటింగ్తో కూడా రావచ్చని తెలుస్తోంది.
సూపర్ ఫీచర్లతో ట్రయంఫ్ స్పీడ్ ట్విన్ 1200 సిరీస్!- ఈ ప్రీమియం బైక్స్ రేటెంతో తెలుసా?
ఒప్పో నుంచి మరింత ప్రీమియం స్మార్ట్ఫోన్- ట్రెండ్ సెట్ చేస్తూ సరికొత్త డిస్ప్లేతో!
UPI యూజర్లు జాగ్రత్త!- ఈ ఆప్షన్ను వెంటనే ఆఫ్ చేయండి- లేకుంటే మీ ఖాతా ఖాళీ!
