Shocking Facts About I'm Not A Robot Captcha : వెబ్సైట్స్ ఓపెన్ చేసేటప్పుడు "నేను రోబోట్ కాదు" (I'm not a robot) అనే చెక్ బాక్స్ కనిపిస్తూ ఉంటుంది. సింపుల్గా దానిపై క్లిక్ చేసి, మన పని మనం చేసుకుంటూపోతాం. అయితే ఈ చెక్ బాక్స్పై క్లిక్ చేస్తే, అసలు ఏం జరుగుతుందో మీరు ఎప్పుడైనా ఆలోచించారా? ఒక వేళ మీకు ఈ విషయం తెలిస్తే షాక్ అవ్వడం ఖాయం.
'ఐయామ్ నాట్ ఏ రోబోట్' అనే చెక్ బాక్స్ మామూలుది కాదు. ఇది మనం ఊహించిన దానికంటే చాలా తెలివైనది. సంక్లిష్టమైనది కూడా.
ఇది ఎలా పనిచేస్తుందంటే?
'ఐయామ్ నాట్ ఏ రోబోట్' అనేది క్యాప్చా (CAPTCHA) అని పిలవబడే సిస్టమ్లోని ఓ భాగం. 'ఆటోమేటెడ్ బాట్లు, మనుషుల మధ్య తేడాను గుర్తించేందుకు ఆటోమేటిక్గా జరిగే పబ్లిక్ టూరింగ్ టెస్ట్' ఇది. దీని మెకానిజం చాలా సంక్లిష్టంగా ఉంటుంది.
హిస్టరీ చెక్ చేయడం ద్వారా!
'ఐయామ్ నాట్ ఓ రోబోట్' చెక్బాక్స్ను క్లిక్ చేయగానే, అది మీ గురించి ఆరా తీస్తుంది. అంటే అంతకు ముందు మీరు ఇంటర్నెట్లో ఏమేమి చేశారో పరిశీలిస్తుంది.
కాస్త వివరంగా చెప్పాలంటే, 'క్యాప్చా సిస్టమ్' అనేది మీరు ఇంటర్నెట్లో ఏమేమి వెతికారో, ఏమేమి చేశారో పూర్తిగా విశ్లేషిస్తుంది. సాంకేతిక పరిభాషలో చెప్పాలంటే మీ 'డిజిటల్ ఫుట్ప్రింట్'ను చూస్తుంది. దీని ద్వారా ఆటోమేటెడ్ బాట్ (bot), మనుషుల మధ్య తేడా గుర్తిస్తుంది. దీనిని కాస్త సులభంగా చెప్పాలంటే, మీరు నిజమైన వ్యక్తా, కాదా అనేది నిర్ణయించడానికి, మీ బ్రౌజింగ్ హిస్టరీని చూస్తుంది. కనుక మీరు క్యాప్చా ఎంటర్ చేసినా, లేదా చెక్ బాక్స్పై క్లిక్ చేసినా, అది క్షణాల్లో మీ ప్రవర్తనను కూడా అంచనా వేస్తుంది.
నిజం చెప్పాలంటే, ఈ క్యాప్చా సిస్టమ్ ఇంకా చాలానే చేస్తుంది. చెక్ బాక్స్పై క్లిక్ చేసిన వెంటనే, అది మీ గురించి తనిఖీ చేయమని వెబ్సైట్ను ప్రేరేపిస్తుంది. వెంటనే సదరు వెబ్సైట్ మీ బ్రౌజింగ్ హిస్టరీని పూర్తిగా విశ్లేషిస్తుంది.
ఉదాహరణకు, మీరు యూట్యూబ్లో ప్రభాస్ వీడియోలు చూశారు. ఎలాన్ మస్క్ పెట్టిన ఓ ట్వీట్ను లైక్ చేశారు. తరువాత మీ మెయిల్ చెక్ చేశారు అనుకుందాం. ఆ తరువాత మీరు ఏదైనా వెబ్సైట్లోకి వెళ్లి క్యాప్చా ఎంటర్ చేయడం లేదా 'ఐయామ్ నాట్ ఏ రోబోట్' చెక్ బాక్స్పై క్లిక్ చేశారు అనుకుందాం. అప్పుడు అది ఇంతకు ముందటి మీ బ్రౌజింగ్ హిస్టరీని అనలైజ్ చేసి, మీరు మనిషా లేదా ఆటోమేటెడ్ బాట్ అనేది నిర్ధరణ చేసుకుంటుంది.
మౌస్ కదలికల ఆధారంగా!
'ఐయామ్ నాట్ ఏ రోబోట్' విశ్లేషణ ఇక్కడితో ముగియదు. ఈ క్యాప్చా సిస్టమ్ అనేది మీరు మౌస్ను ఎలా కదిలిస్తున్నారు అనేది కూడా పరిశీలస్తుంది. మేరు ఎంత వేగంగా, ఈ దిశలో మౌస్ను కదిలిస్తున్నారో చూస్తుంది. అంతేకాదు మీ చేతులతో చేసే కదలికలను కూడా విశ్లేషిస్తుంది. అప్పటికీ మీరు మనిషా, కదా అనేది తేల్చుకోలేకపోతే, వెంటనే సెకండరీ టెస్ట్ చేస్తుంది.
ఎలా అంటే, 'ఐయామ్ నాట్ ఏ రోబోట్' చెక్ బాక్స్ కింద ఒక ఇమేజ్ పత్యక్షమవుతుంది. అది చాలా బాక్స్లతో ఉంటుంది. దీనినే ఇమేజ్ రికగ్నిషన్ టెస్ట్ అంటారు. మీకు ఇచ్చిన ప్రాంప్ట్ ప్రకారం, మీరు సరైన బాక్స్లను క్లిక్ చేయాల్సి ఉంటుంది. దీని వల్ల మీరు మనిషా, కాదా అనేది నిర్ధరణ చేస్తుంది.
ఇబ్బందికరమే - కానీ!
ఈ క్యాప్చా సిస్టమ్ అనేది చాలా ఇబ్బందికరమైనదే. కానీ వెబ్సైట్లకు హాని కలిగించే 'బాట్'లను సమర్థవంతంగా ఎదుర్కోవడానికి, స్పామ్లను అడ్డుకోవడానికి ఇలా చేయడం తప్పనిసరి అవుతోంది.
ప్రైవసీ సంగతేంటి?
క్యాప్చా సిస్టమ్ అనేది యూజర్ల ప్రైవసీని దెబ్బతీస్తుందని కొంత మంది వాదన. కానీ ఇది చెడ్ బాట్లను అడ్డుకోవడానికి తప్పనిసరి. మరి మీరేమంటారు?
మీకు మొబైల్ ఫొటోగ్రఫీ అంటే చాలా ఇష్టమా? ఈ టాప్-7 ఫోన్లపై ఓ లుక్కేయండి! - The Best Camera Phone 2024
