అత్యధిక బ్యాటరీ లైఫ్, వాటర్ రెసిస్టెంట్​తో స్మార్ట్​వాచ్!- ధర ఎంతంటే? - Redmi Watch 5 Lite Launched

Redmi Watch 5 Lite Launched: ఇండియన్ మార్కెట్లో మరో సరికొత్త స్మార్ట్​వాచ్ లాంచ్ అయింది. అత్యధిక బ్యాటరీ లైఫ్​, వాటర్ రెసిస్టెంట్​తో దీన్ని Xiaomi తన కస్టమర్ల కోసం Redmi Watch 5 Lite వాచ్‌ను విడుదల చేసింది. మరెందుకు ఆలస్యం దీని ధర, స్పెసిఫికేషన్స్​పై ఓ లుక్కేద్దాం రండి.

Redmi Watch 5 Lite Launched: ఈ స్మార్ట్​ యుగంలో ఎప్పటికప్పుడు అనేక ఎలక్ట్రానిక్ వస్తువులు మార్కెట్లో లాంచ్ అవుతున్నాయి. కార్లు, బైక్​లు, మొబైల్ ఫోన్స్ ఈ కోవలోకే వస్తాయి. ఎప్పటికప్పుడు ఇవి కొంగొత్త మెరుగులు దిద్దుకుని స్టైలిష్ లుక్​లో కస్టమర్లను ఆకర్షిస్తున్నాయి. ఈ క్రమంలోనే స్మార్ట్​​వాచ్​లు కూడా వీటికేం తీసిపోకుండా అదిరే ఫీచర్స్​తో మనముందుకు వస్తున్నాయి. తాజాగా ప్రముఖ గ్యాడ్జెట్స్ తయారీ సంస్థ Xiaomi సరికొత్త స్మార్ట్​వాచ్​ను ఇండియన్ మార్కెట్లో లాంచ్ చేసింది.

అత్యాధునిక ఫీచర్లతో ఎట్రాక్టివ్ స్లీక్ మెటాలిక్ డిజైన్​తో దీన్ని తీసుకొచ్చింది. సూర్యకాంతి ఎక్కువగా ఉన్న సమయంలోనూ ఈ స్మార్ట్​వాచ్​ను ఉపయోగించొచ్చు. దీంతోపాటు ఈ వాచ్ 5 ATM వాటర్ రెసిస్టెంట్​గా అందుబాటులోకి వచ్చింది. 50 మీటర్ల లోతు నీటిలో 10 నిమిషాల వరకు దీన్ని ఉంచినా దీనికి ఎలాంటి డ్యామేజ్ కాదు. ఈ వాచ్​ను పెట్టుకుని స్విమ్మింగ్​తో పాటు ఇతర వాటర్ యాక్టివిటీస్​లో పాల్గొనవచ్చు. ఈ సందర్భంగా దీని ధర, ఫీచర్లపై మరిన్ని వివరాలు మీకోసం.

Redmi Watch 5 Lite Features:

• డిస్‌ప్లే: 1.96 అంగుళాల AMOLED
• బ్రైట్‌నెస్‌: 600 నిట్స్
• బ్యాటరీ: 470mAh
• హార్ట్ బీట్ సెన్సార్
• యాక్సిలరోమీటర్
• గైరోస్కోప్‌
• మైక్రోఫోన్
• స్పీకర్
• 2-mic ఫర్ కాల్స్
• ENC
• క్లాక్ ట్రాకింగ్
• స్లీప్ ట్రాకింగ్
• స్ట్రెస్ మానిటరింగ్
• పీరియడ్ సైకిల్ మానిటరింగ్
• 160+ స్పోర్ట్స్ మోడ్
• 50+ విడ్జెట్ కస్టమైజేషన్
• నైట్ మోడ్
• DND మోడ్
• థియేటర్ మోడ్
• వాటర్ క్లియరింగ్ మోడ్‌
• బ్లూటూత్ కాలింగ్
• నాయిస్ క్యాన్సిలేషన్

Redmi Watch 5 Lite (Redmi)

Redmi Watch 5 Liteలో కలర్ ఆప్షన్స్: ఈ Redmi Watch 5 Lite రెండు కలర్స్​లో మార్కెట్లో అందుబాటులో ఉంది.

• బ్లాక్
• లైట్​ గోల్డ్

ధర: రూ. 3,999

Redmi Watch 5 Lite (Redmi)

ఎక్కడ లభ్యం?: GPS ట్రాకర్‌తో వస్తున్న ఈ వాచ్ ఈ రోజు అర్ధరాత్రి 12 గంటల నుంచి mi.com లో అందుబాటులో ఉంది. ఆఫర్​లో ఈ స్మార్ట్​వాచ్‌ను రూ. 3,499లకే కొనుగోలు చేయొచ్చు.

Redmi Watch 5 Lite (Redmi)

Redmi Watch 5 Lite బ్యాకప్: ఈ సరికొత్త వాచ్ బ్యాటరీ లైఫ్ నార్మల్​గా యూజ్ చేస్తే 18 రోజుల వరకు ఉంటుందని కంపెనీ తెలిపింది. దీన్ని అధిక స్థాయిలో ఉపయోగిస్తే 12 రోజుల వరకు పని చేస్తుంది. ఇది 5 ATM వాటర్ రెసిస్టెంట్​తో వచ్చింది. ఈ వాచ్ స్విమ్ ట్రాకింగ్ కోసం బాగా ఉపయోగపడుతుంది. ఈ రెడ్​మీ వాచ్ 5 లైట్ అలెక్సా బిల్ట్-ఇన్‌తో వస్తుంది. ఈ వాచ్​లో క్యాలెండర్​ను కూడా సెట్ చేసుకోవచ్చు.