Oppo Find X8 Ultra: కిర్రాక్ ఫీచర్లతో 'ఒప్పో ఫైండ్ X8' సిరీస్ ఇటీవలే దేశీయ మార్కెట్లోకి ఎంట్రీ ఇచ్చింది. ఈ సిరీస్లో ఒప్పో 'ఫైండ్ X8', 'ఫైండ్ X8 ప్రో' అనే రెండు మోడల్స్ను తీసుకొచ్చింది. ఈ క్రమంలో కంపెనీ ఇప్పుడు చైనాలో మరింత ప్రీమియం 'ఒప్పో ఫైండ్ X8 అల్ట్రా' మోడల్ను లాంఛ్ చేసేందుకు కసరత్తు చేస్తున్నట్లు తెలుస్తోంది.
ఈ నేపథ్యంలో ఇప్పటికే ఈ ఫోన్ కెమెరా సెటప్పై చాలానే లీక్స్ వచ్చాయి. తాజాగా ఈ స్మార్ట్ఫోన్ టాప్-ఎండ్ డిస్ప్లేతో వస్తుందని లీక్ వచ్చింది. ఇది 'ఒప్పో ఫైండ్ X7 అల్ట్రా' సక్సెసర్. ఇప్పుడు ఈ అప్కమింగ్ ఒప్పో ఫోన్ ఫ్లాట్ ప్యానెల్తో ఎంట్రీ ఇవ్వనున్నట్లు తెలుస్తోంది.
Weiboలోని Tipster డిజిటల్ చాట్ స్టేషన్ ఈ 'ఒప్పో ఫైండ్ X8 అల్ట్రా' కర్వ్డ్ (వంపుతిరిగిన) డిస్ప్లేకు బదులుగా బెజెల్స్‌తో ఫ్లాట్-స్క్రీన్‌ను కలిగి ఉంటుందని పేర్కొంది. కంపెనీ ఈ ఫోన్ బెజెల్ సైజ్ను తగ్గించేందుకు LIPO (లో-ఇంజెక్షన్ ప్రెజర్ ఓవర్‌మోల్డింగ్) ప్యాకేజింగ్ టెక్నాలజీని ఉపయోగిస్తుందని తెలుస్తోంది. ప్రస్తుతం స్మార్ట్ఫోన్లలో కర్వ్డ్ స్క్రీన్‌లు ఉండటం పాత ట్రెండ్గా మారుతున్నాయని, ఈ నేపథ్యంలో 2025లో ఫ్లాట్-స్క్రీన్తో వచ్చే స్మార్ట్ఫోన్ 'ఒప్పో ఫైండ్ X8 అల్ట్రా' మోడలే కావచ్చని టిప్స్టర్ పేర్కొన్నారు.
ఒప్పో ఫైండ్ X8 అల్ట్రా అంచనా స్పెసిఫికేషన్లు: ఒప్పో 'ఫైండ్ X8 అల్ట్రా' ఈ మార్చిలో 'ఫైండ్ X8 మిని'తో పాటు అధికారికంగా రిలీజ్ కావచ్చని పుకారు షికారు చేస్తోంది. ఇది స్నాప్డ్రాగన్ 8 ఎలైట్ SoC ప్రాసెసర్తో వస్తుందని అంచనా. ఈ ఫోన్ 6.82-అంగుళాల డిస్ప్లేను కలిగి ఉంటుందని, అథెంటికేషన్ కోసం ఇది ఇన్-డిస్ప్లే అల్ట్రాసోనిక్ ఫింగర్ ప్రింట్ సెన్సార్తో వస్తుందని సమాచారం. వీటితో పాటు ఈ ఫోన్ హాసెల్‌బ్లాడ్-బ్యాక్డ్ క్వాడ్ రియర్ కెమెరా సెటప్‌ను కలిగి ఉంటుందని తెలుస్తోంది.
కెమెరా సెటప్ (అంచనా): ఒప్పో 'ఫైండ్ X8 అల్ట్రా'లో 50-మెగాపిక్సెల్ 1-అంగుళం Sony Lytia LYT-900 సెన్సార్, 3x ఆప్టికల్ జూమ్‌తో 50-మెగాపిక్సెల్ Sony Lytia LYT-701 టెలిఫోటో సెన్సార్, 6x ఆప్టికల్ జూమ్‌తో 50-మెగాపిక్సెల్ పెరిస్కోప్ టెలిఫోటో కెమెరాతో పాటు 50-మెగాపిక్సెల్ అల్ట్రావైడ్ కెమెరా ఉండొచ్చు.
ఇక ఈ ఫోన్ 100W వైర్డు, 50W వైర్‌లెస్ ఛార్జింగ్‌ సపోర్ట్తో 6,000mAh బ్యాటరీతో రావొచ్చు. అంతేకాక ఇది డస్ట్ అండ్ వాటర్ రెసిస్టెన్సీతో IP68 + IP69 రేటింగ్ సర్టిఫికేషన్లతో వచ్చే అవకాశం ఉంది.
ఇక ఒప్పో 'ఫైండ్ X8', 'ఫైండ్ X8 ప్రో' మోడల్ స్మార్ట్ఫోన్లు గతేడాది నవంబర్లో వరుసగా రూ. 69,999, రూ. 99,999 ప్రారంభ ధరలతో ఇండియన్ మార్కెట్లో లాంఛ్ అయ్యాయి. ఇవి LTPO AMOLED స్క్రీన్‌లను కలిగి ఉంటాయి. వీటిలో మీడియాటెక్ డైమెన్సిటీ 9400 చిప్సెట్తో 16GB వరకు LPDDR5X RAM, 512GB వరకు UFS 4.0 ఇన్బిల్ట్ స్టోరేజీ సదుపాయం ఉంది.
UPI యూజర్లు జాగ్రత్త!- ఈ ఆప్షన్ను వెంటనే ఆఫ్ చేయండి- లేకుంటే మీ ఖాతా ఖాళీ!
ట్రాయ్ ఆదేశాలు- రీఛార్జ్ ప్లాన్లు ఒకేసారి రూ.210 తగ్గింపు!
రాయల్ ఎన్ఫీల్డ్ డిమాండ్ మామూలుగా లేదుగా- ఏకంగా 5లక్షల మంది కొన్న మోడల్ ఇదే!
