ఇస్రో డ్రీమ్ మిషన్​పై లేటెస్ట్ అప్డేట్- శుక్రయాన్-1 లాంచ్ ఎప్పుడో తెలుసా? - ISRO Venus Orbiter Mission

ISRO Venus Orbiter Mission: చంద్రయాన్-3 ఘన విజయం తర్వాత ఇస్రో ఇప్పుడు సౌర వ్యవస్థలో అత్యంత వేడిగా ఉండే వీనస్ గ్రహంపైకి వెళ్లేందుకు సిద్ధమవుతోంది. ఇందుకోసం సన్నాహాలు ముమ్మరం చేసిన ఇస్రో డ్రీమ్ మిషన్ వీనస్ ఆర్బిటర్ ప్రయోగ తేదీని కూడా ప్రకటించింది. ఆ మిషన్ వివరాలు మీకోసం.

ISRO Venus Orbiter Mission: చంద్రయాన్ 3 విజయం తర్వాత భారత అంతరిక్ష పరిశోధనా సంస్థ (ఇస్రో) శుక్రగ్రహంపైకి వెళ్లేందుకు సన్నాహాలు చేస్తోంది. ఈ మిషన్‌లో అంతరిక్ష నౌక శుక్రుడిని చేరుకోవడానికి 112 రోజులు పడుతుందని ఇస్రో తెలిపింది. దీని పేరు వీనస్ ఆర్బిటర్ మిషన్ (VOM). ఈ క్రాఫ్ట్ ప్రయోగ తేదీని ఇస్రో ప్రకటించింది. శుక్ర గ్రహాన్ని చేరుకోవడానికి భారత్ చేస్తున్న తొలి మిషన్ ఇదే. శుక్ర గ్రహంపై వాతావరణం, దాని ఉపరితలం, భౌగోళిక లక్షణాలను అధ్యయనం చేయడమే ఈ మిషన్ లక్ష్యం. ఈ మిషన్ కోసం భారత ప్రభుత్వం 1,236 కోట్ల రూపాయలను మంజూరు చేసింది.

శుక్రుడిపై ఫస్ట్ మిషన్ ఇదే: అంతా సవ్యంగా సాగితే 2028 మార్చి 29న శుక్రయాన్-1ని ప్రయోగించనున్నట్లు ఇస్రో తెలిపింది. ఈ మిషన్​ను వీనస్ అధ్యయనం కోసం రూపొందించారు. శుక్రుడిపైకి వెళ్లేందుకు భారత్‌ చేస్తున్న తొలి ప్రయత్నం కూడా ఇదే. ఈ మిషన్‌లో ఇస్రోకు చెందిన శక్తివంతమైన ఎల్‌వీఎం-3 (లాంచ్ వెహికల్ మార్క్ 3) రాకెట్‌ను ఉపయోగించనున్నారు. అంతరిక్ష నౌక ప్రయోగించిన 112 రోజుల తర్వాత జూలై 19, 2028న వీనస్ ఉపరితలంపైకి చేరుకుంటుంది. అంతరిక్ష ప్రపంచంలో అందరి దృష్టినికి ఆకర్శిస్తున్న ఇస్రోకు ఇది పెద్ద విజయం కానుంది.

వీనస్ మిషన్ లక్ష్యం: వీనస్ వాతావరణం, ఉపరితలం, భౌగోళిక లక్షణాలను అధ్యయనం చేయడం మిషన్ VOM లక్ష్యం. శుక్ర గ్రహం వాతావరణ కూర్పు, ఉపరితల లక్షణాలు, అగ్నిపర్వత, భూకంప ప్రక్రియలను అర్థం చేసుకోవడం ఈ మిషన్ ప్రాథమిక లక్ష్యాలు. ఈ వ్యోమనౌక కృత్రిమ ద్వారం రాడార్, ఇన్‌ఫ్రారెడ్, అల్ట్రావయోలెట్ కెమెరాలు, సెన్సార్‌లతో సహా అధునాతన పరికరాలను శుక్రుడిని అధ్యయనం చేయడానికి ఆర్బిటర్‌లోకి తీసుకువెళ్తుంది. వీనస్ దట్టమైన, కార్బన్ డయాక్సైడ్ అధికంగా ఉండే వాతావరణం, గ్రహం ఉపరితలంపై చురుకైన అగ్నిపర్వతాల సంభావ్యత వంటి రహస్యాలను ఛేదించేందుకు ఈ పరికరాలు శాస్త్రవేత్తలకు సహాయపడతాయి.

#ISRO's Venus Orbiter Mission (Shukrayaan) will launch BEFORE 29 March 2028!! 🎯

VOM will be launched on an LVM3 into a 170×36,000 km Earth Parking Orbit. VOM will then perform several orbit raise burns, followed by the Earth-bound escape burn on March 29! + (1/2)🧵 pic.twitter.com/DB9GtJJTkH

— ISRO Spaceflight (@ISROSpaceflight) October 1, 2024

మిషన్‌కు రూ.1,236 కోట్లు: ఇస్రోతో పాటు రష్యా, ఫ్రాన్స్, స్వీడన్, జర్మనీ కూడా శుక్రయాన్-1 మిషన్‌లో పాల్గొంటున్నాయి. స్వీడిష్ ఇన్​స్టిట్యూట్ ఆఫ్ స్పేస్ ఫిజిక్స్ (IRF) సూర్యుడు, శుక్రుడి వాతావరణం నుంచి కణాలను అధ్యయనం చేసేందుకు వీనస్ న్యూట్రల్స్ అనలిస్ట్ (VNA) పరికరాన్ని ఇస్రోకు అందించనుంది. ఈ మిషన్ కోసం భారత ప్రభుత్వం 1,236 కోట్ల రూపాయలను కేటాయించింది. వీనస్ ఆర్బిటర్ మిషన్ భారత అంతరిక్ష పరిశోధన సామర్థ్యాలను పెంచుతుందని శాస్త్రవేత్తలు చెబుతున్నారు.