Meta AI on Whatsapp: ఫేస్బుక్ మాతృసంస్థ మెటా.. వాట్సాప్లోని తన 'Meta AI' చాట్బాట్ సేవలతో యూజర్ ఇంటరాక్షన్స్ను మరింత మెరుగుపరుస్తోంది. ప్రస్తుతం ఆర్టిఫిషియల్ ఇంటెలిజెన్స్ వినియోగం పెరుగుతున్న తరుణంలో కంపెనీ ఇటీవలే ఈ చాట్బాట్ను అందుబాటులోకి తీసుకొచ్చింది. యూజర్ కాన్వర్జేషన్స్ను స్మార్ట్గా, మరింత సమర్థవంతగా చేసేందుకు ఈ ఫీచర్ను ఇండియాతో పాటు క్రమంగా ఇతర దేశాల్లో కూడా పరిచయం చేస్తోంది.
వినియోగదారుల ప్రశ్నలకు సమాధానం ఇచ్చేందుకు, టెక్స్ట్ కంటెంట్ను ప్రిపేర్ చేసేందుకు, టెక్స్ట్ ప్రాంప్ట్‌ల నుంచి ఇమేజ్లను క్రియేట్ చేయడం, సమ్మరీస్ అండ్ ట్రాన్స్లేషన్స్తో పాటు ఇతర టాస్క్లలో సహాయం చేసేందుకు దీన్ని ఉపయోగించొచ్చు. మెటా.. దీన్ని ఇండియా, యునైటెడ్ స్టేట్స్, ఆస్ట్రేలియా, యునైటెడ్ కింగ్‌డమ్, కెనడా, సింగపూర్తో సహా 12 దేశాల్లో అందుబాటులోకి తెచ్చింది. కంపెనీ దీన్ని భవిష్యత్తులో ప్రపంచవ్యాప్తంగా మరింత విస్తరించాలని యోచిస్తోంది.
ఈ 'Meta AI'ను వాట్సాప్, ఫేస్బుక్, మెసెంజర్, ఇన్స్టాగ్రామ్ సహా meta.ai పోర్టల్లో వినియోగించుకోవచ్చని కంపెనీ స్పష్టం చేసింది. ఇందులో వినియోగదారులు ఉచితంగానే ఏఐ ఫొటోలను కూడా క్రియేట్ చేసుకోవచ్చు. మెటా అభివృద్ధి చేసిన ఈ ఏఐ.. లామా 3.2 లాంగ్వెజ్ మోడల్ ఆధారంగా పనిచేస్తుంది.
ప్రస్తుతం ఈ టూల్ ఇంగ్లిష్ భాషకు మాత్రమే సపోర్ట్ చేస్తుంది. త్వరలో దీన్ని తెలుగులో కూడా అందుబాటులోకి తీసుకురావచ్చు. ఇది వాట్సాప్లో నేరుగా ఇంటిగ్రేట్ చేయడంతో పాటు ప్రొడక్టవిటీ, క్రియేటివిటీని పెంపొందించడంలో సహాయపడుతుంది. దానికి పంపించిన మెసెజ్లను మాత్రమే ప్రాసెస్ చేయడం ద్వారా ఇది వినియోగదారుల గోప్యతను కాపాడుతుంది. ఈ సందర్భంగా వాట్సాప్ వ్యక్తిగత చాట్‌లో 'Meta AI'తో ఎలా ఇంటరాక్ట్ అవ్వాలో ఇప్పుడు తెలుసుకుందాం రండి.
'Meta AI'ని ఎలా ఉపయోగించాలి?:
- మొదట మీ ఆండ్రాయిడ్ లేదా iOS డివైజ్లో వాట్సాప్ను ఓపెన్ చేయండి.
- 'Meta AI' ఐకాన్: ఆండ్రాయిడ్ యూజర్లకు అయితే వాట్సాప్లో 'Meta AI' ఐకాన్.. మెయిన్ స్క్రీన్పై 'New Chat'కి ఎగువన కన్పిస్తుంది. ఇక iOS వినియోగదారులకు ఈ చిహ్నం ఇన్బాక్స్లో స్క్రీన్ పైభాగంలో కన్పిస్తుంది.
- ఓపెన్ చాట్ విండో: ఇప్పుడు ప్రత్యేక చాట్ విండోను ఓపెన్ చేసేందుకు 'Meta AI' ఐకాన్పై క్లిక్ చేయండి. ఈ చాట్ విండోలో మీరు AIతో చాటింగ్ ప్రారంభించొచ్చు.
- అయితే ఈ టూల్ ప్రస్తుతం ఇంగ్లిషు భాషకు మాత్రమే పరిమితమై ఉంది. కాబట్టి వినియోగదారులు 'Meta AI' ను ఏదైనా ప్రశ్న అడగాలి అనుకుంటే ఇంగ్లిషులోనే టైప్ చేయాల్సి ఉంటుంది. 'Meta AI' మీరు ఎలాంటి వెరైటీ ప్రశ్న అడిగినా స్పందించి సమాధానాలను అందిస్తుంది.
- ఇది మీ డిస్క్రిప్షన్ ఆధారంగా క్షణాల్లోనే ఇమేజ్ను జనరేట్ చేయగదలదు. ఈ ఫీచర్ ముఖ్యంగా విజువలైజింగ్ క్రియేటివ్ ఐడియాస్ లేదా యునిక్ గ్రాఫిక్స్ను క్రియేట్ చేసేందుకు ఉపయోగపడుతుంది.
పవర్ఫుల్ ఫీచర్లతో రెడ్మీ నుంచి 5G స్మార్ట్ఫోన్- టీజర్ చూశారా?
అద్భుతమైన ఫీచర్లతో 'షావోమీ ప్యాడ్ 7'- ఇండియన్ మార్కెట్లోకి ఎంట్రీ ఎప్పుడంటే?
'వన్‌ప్లస్ 12' స్మార్ట్ఫోన్పై భారీ డిస్కౌంట్- ఏకంగా రూ.7,000 వరకు తగ్గింపు!- ఎక్కడంటే?
