How To Clean Your PC System : కంప్యూటర్లను, గేమింగ్ ల్యాప్టాప్లను తరచూ శుభ్రం చేసుకోవాలి. లేదంటే అవి త్వరగా పాడయ్యే అవకాశం ఉంటుంది. సిస్టమ్పై దుమ్ము, ధూళి పేరుకుపోతే, అది వేడెక్కే అవకాశం ఉంటుంది. అంతేకాదు మీరు చాలా కాలం పాటు దానిని శుభ్రం చేయకుండా వదిలేస్తే, దానిలోని పార్టులు కూడా దెబ్బతినే ప్రమాదం ఉంటుంది. పైగా మీ పీసీ లేదా ల్యాప్టాప్ పెర్ఫార్మెన్స్ కూడా తగ్గుతుంది. అందుకే మీరు తరచూ మీ కంప్యూటర్ను శుభ్రం చేసుకోవాలి. కనీసం మూడు నెలలకు ఒకసారైనా దానిని క్లీన్ చేయాలి.
కంప్యూటర్లను భౌతికంగా శుభ్రం చేసినంత మాత్రాన సరిపోదు. ఆపరేటింగ్ సిస్టమ్ను, సాఫ్ట్వేర్లను కూడా అప్డేట్ చేస్తుండాలి. అలాగే పీసీలోని పాత ఫైల్స్ను, అవసరంలేని అప్లికేషన్లను తొలగించాలి. అప్పుడే మీ పీసీ చక్కగా పనిచేస్తుంది.
How To Clean PC Physically :
- ముందుగా మీ కంప్యూటర్ను టర్న్ఆఫ్ చేయాలి. తరువాత పవర్ కేబుల్ను తీసేయాలి. లేకపోతే ఎలక్ట్రిక్ షాక్ లాంటివి జరిగే ప్రమాదం ఉంటుంది.
- కంప్యూటర్ను బాగా గాలి, వెలుతురు ఉన్న ప్రదేశానికి తీసుకెళ్లి శుభ్రం చేయాలి. అలా కాకుండా మీరున్న గదిలోనే దానిని శుభ్రం చేశారనుకుందాం. అప్పుడు ఆ దుమ్ము, ధూళి అక్కడే ఉండి, మళ్లీ కంప్యూటర్పైనే పడతాయి.
- సాధారణంగా పీసీ పైభాగంలో, కింది భాగంలో ఎక్కువగా దుమ్ము పేరుకుపోతుంది. కనుక మైక్రోఫైబర్ క్లాత్తో శుభ్రంగా తుడవండి.
- వాస్తవానికి కంప్యూటర్ లోపల కూడా దుమ్ము, ధూళి ఉంటుంది. కనుక చాలా జాగ్రత్తగా ప్యానెల్స్ ఓపెన్ చేసి, ఎయిర్ కంప్రెషర్తో వాటిని క్లీన్ చేయాలి. తరువాత పీసీ కేబుల్స్ను, కంప్యూటర్ ప్యానెల్ను తిరిగి ఫిక్స్ చేయాలి.
How To Clean Your System
- కంప్యూటర్ను బయట నుంచి శుభ్రం చేసినంత మాత్రాన మన పని అయిపోదు. సిస్టమ్ లోపల కూడా ఎప్పడికప్పుడు క్లీన్ చేస్తూ ఉండాలి. ఇందుకోసం మీకు అవసరంలేని ఫైల్స్ను డిలీట్ చేయాలి. లేదా యూఎస్బీ డ్రైవ్లో లేదా క్లౌడ్ స్టోరేజీలో వాటిని సేవ్ చేసుకోవాలి. అప్పుడే మీ పీసీలో చాలా స్పేస్ ఫ్రీ అవుతుంది. కంప్యూటర్ పెర్ఫార్మెన్స్ పెరుగుతుంది.
- చాలా పీసీల్లో ప్రీఇన్స్టాల్డ్ ప్రోగ్రామ్స్ ఉంటాయి. ఇవి చాలా స్పేస్ను ఆక్రమించుకుంటాయి. దీని వల్ల కంప్యూటర్ చాలా స్లోగా రన్ అవుతుంది. అందుకే అవసరంలేని యాప్లను లేదా ప్రోగ్రామ్లను వెంటనే అన్ఇన్స్టాల్ చేసేయండి.
- ఎప్పటికప్పుడు మీ బ్రౌజింగ్ హిస్టరీ, క్యాచే, కుకీస్ను డిలీట్ చేస్తుండాలి. లేకుంటే మీ సిస్టమ్లో అనవసరమైన సమాచారం చాలా పేరుకుపోతుంది. మీ సిస్టమ్ స్లో అయిపోతుంది.
- సాధారణంగా మనకు అవసరంలేని ఫైల్స్ 'ట్రాష్'లోకి పంపిస్తాం. కానీ ఆ ట్రాష్లోని ఫైల్స్ను కూడా ఎప్పటికప్పుడు డిలీట్ చేస్తుండాలి. లేదంటే అది పీసీ పెర్ఫార్మెన్స్ని దెబ్బతీస్తుంది.
- మీ పీసీ బాగా పనిచేయాలంటే, అప్పుడప్పుడు విండోస్ను రీఇన్స్టాల్ చేస్తుండాలి. ఇలా చేయడం వల్ల సిస్టమ్లోని మాల్వేర్స్, సిస్టమాటిక్ ప్రాబ్లమ్స్ పోతాయి. అయితే రీఇన్స్టాల్ చేసేముందు కచ్చితంగా మీ పర్సనల్ డేటాను బ్యాకప్ చేసుకోవాలి. లేదంటే తరువాత చాలా ఇబ్బంది పడాల్సి వస్తుంది.
- నోట్: కంప్యూటర్పై దుమ్ము, ధూళి తొలగించడం సులువే. కానీ కంప్యూటర్ లోపలి భాగాలను తుడిచే విషయంలో జాగ్రత్తగా ఉండాలి. ఒకవేళ మీకు కంప్యూటర్ను ఓపెన్ చేయడం రాకపోతే, రిస్క్ తీసుకోవడం కంటే నిపుణుల సహాయం తీసుకోవడం మంచిది.
ల్యాప్టాప్ బయ్యింగ్ టిప్స్ - గ్రాఫిక్స్ కార్డ్ మస్టా? ఆన్లైన్ కొంటే బెటరా? లేదా ఆఫ్లైన్లోనా?
మీ కంప్యూటర్ స్లోగా రన్ అవుతోందా? డోంట్ వర్రీ - ఈ 10 టిప్స్‌తో PC స్పీడ్ పెరగడం గ్యారెంటీ!
