Hero Karizma XMR 210 Combat Edition: దేశంలోనే అతిపెద్ద టూ-వీలర్ తయారీ సంస్థ హీరో మోటోకార్ప్ భారత్ మొబిలిటీ గ్లోబల్ ఎక్స్పో 2025లో రెండు స్కూటర్లను, రెండు మోటార్సైకిళ్లను విడుదల చేయడం ద్వారా తనదైన ముద్ర వేసింది. వీటితో పాటు కంపెనీ కొన్ని కాన్సెప్ట్ వాహనాలను కూడా ప్రవేశపెట్టింది. ఈ క్రమంలో ఇప్పుడు కంపెనీ తన స్పోర్ట్స్ బైక్ హీరో కరిజ్మా XMR కంబాట్ ఎడిషన్‌ను భారత మార్కెట్లో విడుదల చేసేందుకు సన్నాహాలు చేస్తోంది. ఈ నేపథ్యంలో ఈ మోటార్సైకిల్ టీజర్ను రిలీజ్ చేసింది.
హీరో కరిజ్మా XMR కంబాట్ ఎడిషన్ ఫీచర్స్: ఈ స్పెషల్ మోడల్ 'కంబాట్ ఎడిషన్' థీమ్పై ఆధారపడి ఉంటుంది. ఈ థీమ్ను మొదట హీరో జూమ్ 110 స్కూటర్‌తో పరిచయం చేశారు. ఇప్పుడు దీన్ని కంపెనీ మోటార్సైకిల్ లైనప్లో కూడా చేర్చారు. ఇక హీరో కరిజ్మా XMR కంబాట్ ఎడిషన్లో మ్యాట్ షాడో గ్రే పెయింట్ను ఉపయోగించారు. దీని బాడీ ప్యానెల్స్ కాంట్రాస్టింగ్ 'జెట్ ఫైటర్' మాదిరిగా గ్రాఫిక్లను కలిగి ఉంటాయి. ఇవి Xoom 110 స్కూటర్‌లో కూడా కనిపిస్తాయి.
హీరో కరిజ్మా XMR కంబాట్ ఎడిషన్ హార్డ్‌వేర్: కంపెనీ ఈ ఎడిషన్లో 41 mm అప్‌సైడ్ డౌన్ ఫ్రంట్ ఫోర్కులు, పెద్ద ఫ్రంట్ డిస్క్ బ్రేక్, TFT కలర్ డిస్ప్లే వంటి వాటికి గోల్డ్ ఫినిష్ను అందించింది. ఇప్పుడు ఈ మోటార్సైకిల్ బరువును 163.5 కిలోల నుంచి 166 కిలోలకు పెంచింది. దీనితో పాటు ఈ మోడల్లో షార్ప్ ఫుల్-LED టెయిల్ ల్యాంప్‌లతో ఫుల్-LED ప్రొజెక్టర్ హెడ్‌ల్యాంప్‌లు ఇచ్చింది. దీని స్టాండర్డ్ మోడల్ డిజైన్ బిట్స్ కూడా ఇందులో కన్పిస్తాయి.
హీరో కరిజ్మా XMR కంబాట్ ఎడిషన్ ఇంజిన్: హీరో కరిజ్మా XMR కంబాట్ ఎడిషన్లో 210cc, V4 లిక్విడ్-కూల్డ్ ఇంజిన్‌ను అమర్చారు. ఇది 9,250 rpm వద్ద 25.15 bhp శక్తిని, 7,250 rpm వద్ద 20.4 Nm పీక్ టార్క్‌ను ఉత్పత్తి చేస్తుంది. ఈ ఇంజిన్ స్లిప్పర్ క్లచ్‌తో కూడిన 6-స్పీడ్ గేర్‌బాక్స్‌తో వస్తుంది.
హీరో కరిజ్మా XMR కంబాట్ ఎడిషన్ ధర: ఈ కొత్త హీరో కరిజ్మా XMR కంబాట్ ఎడిషన్ ధర స్టాండర్డ్ మోడల్ కంటే కొన్ని వేల రూపాయలు ఎక్కువగా ఉంటుంది. ప్రస్తుతం దీని ధర రూ. 1.81 లక్షలు (ఎక్స్-షోరూమ్). హీరో మోటోకార్ప్ త్వరలో తన పెద్ద హీరో కరిజ్మా XMR 250ని విడుదల చేయనుంది. దీంతో ఈ కరిజ్మా XMR కంబాట్ బహుశా 210cc మోడల్లో చివరి ఎడిషన్ కావచ్చు.
భలే భలే బీఎండబ్ల్యూ iX ఫేస్లిఫ్ట్ వచ్చేస్తుందోచ్- సింగిల్ ఛార్జ్తో 700కి.మీ కంటే ఎక్కువ రేంజ్!
వారెవ్వా డుకాటి నయా బైక్ డిమాండ్ చూశారా?- 24గంటల్లోనే ఫస్ట్ స్లాట్ బుకింగ్స్ కంప్లీట్!
ప్రపంచంలోనే అత్యంత సన్నని ఫోల్డబుల్ స్మార్ట్ఫోన్- టీజర్ చూస్తే అవాక్కైపోతారంతే!
