వాట్సాప్​లో మరో ఇంట్రెస్టింగ్ ఫీచర్- ఇకపై స్టిక్కర్ ప్యాక్​లను యాప్​ నుంచే నేరుగా షేర్ చేయొచ్చు!

వాట్సాప్​లో స్ట్కిక్కర్ షేరింగ్ ఫీచర్- దీన్ని ఎలా ఉపయోగించాలంటే..?

WhatsApp New Feature: ప్రముఖ ఇన్‌స్టంట్ మెసేజింగ్ యాప్ వాట్సాప్​లో మరో అద్భుతమైన ఫీచర్​ వస్తోంది. ఈ ఫీచర్​ సహాయంతో వినియోగదారులు ఇకపై స్టిక్కర్ ప్యాక్​లను ఇతరులకు యాప్ నుంచి నేరుగా షేర్ చేయొచ్చు. iOS, Android రెండింటిలోనూ ఈ ఫీచర్ అందుబాటులోకి రానుంది. అయితే వాట్సాప్​ లేటెస్ట్ బీటా వెర్షన్​లను డౌన్​లోడ్ చేసుకున్న వినియోగదారులు మాత్రమే ఈ స్టిక్కర్ ప్యాక్​ ఫీచర్​ను ఎంచుకోగలుగుతారు.

వాట్సాప్‌లో తెలిపిన సమాచారం ప్రకారం.. గూగుల్ ప్లే స్టోర్‌లో అందుబాటులో ఉన్న లేటెస్ట్ వాట్సాప్ బీటా వెర్షన్ 2.24.25.2 (లేదా కొత్తది) అప్‌డేట్ చేసుకోవడం ద్వారా ఆండ్రాయిడ్ యూజర్లు దీన్ని ఎంచుకోవచ్చు. ఇక టెస్ట్​ఫ్లైట్​లో అందుబాటులో ఉన్న వాట్సాప్​ బీటా వెర్షన్​ 24.24.10.72ను అప్​డేట్​ చేసుకోవడం ద్వారా iOS యూజర్లు ఈ కొత్త ఫీచర్​ను సెలెక్ట్ చేసుకోవచ్చు.

ఆ తర్వాత వారు ఈ స్టిక్కర్ ప్యాక్‌లను ఇతర వాట్సాప్​ వినియోగాదారులతో షేర్ చేసుకోగలరు. తద్వారా స్టిక్కర్ ప్యాక్​లను అందుకున్న యూజర్​ తమ మొబైల్​లో సేమ్ స్టిక్కర్ ప్యాక్​ను ఇన్​స్టాల్​ చేసుకోవచ్చు. ఈ నేపథ్యంలో మెసేజింగ్ ప్లాట్‌ఫారమ్‌లో కంటెంట్‌ను ఫార్వార్డ్ చేసేటప్పుడు మెసెజ్​ను యాడ్ చేసేందుకు కొద్దిమంది టెస్టర్లను వాట్సాప్​ అనుమతించడం కూడా ప్రారంభించింది. దీంతో ప్రస్తుతం బీటా టెస్టర్‌లు మొత్తం స్టిక్కర్ ప్యాక్‌లను వారి కాంటాక్ట్​లకు షేర్ చేయగలుగుతున్నారు.

ఈ వాట్సాప్ స్ట్కిక్కర్ షేరింగ్ ఫీచర్​ లింక్​పై ఆధారపడి ఉంటుంది. ప్రస్తుతం ఈ ఫీచర్ బీటా టెస్టింగ్ దశలో ఉంది. టెస్టింగ్ తర్వాత ఈ ఫీచర్ త్వరలో మరింతమంది యూజర్లకు అందుబాటులో ఉంటుంది.

దీన్ని ఉపయోగించడం ఎలా?:

• వాట్సాప్​లో ఇన్​స్టాల్ అయి ఉన్న స్టిక్కర్ ప్యాక్స్​ను బ్రౌజ్ చేస్తున్నప్పుడు బీటా టెస్టర్లకు ఇప్పుడు కొత్తగా థ్రీ-డాట్స్ బటన్ కన్పిస్తుంది.
• ఈ బటన్​పై ట్యాప్​ చేస్తే 'Send' 'Remove' అనే రెండు ఆప్షన్లు కన్పిస్తాయి.
• యూజర్ స్టిక్కర్ ప్యాక్​ను షేర్​ చేయాలని సెలెక్ట్ చేయాలనుకుంటే వాట్సాప్​ ఆ స్టిక్కర్​ ప్యాక్​కు ఓ లింక్​ను క్రియేట్ చేస్తుంది.
• యూజర్​ 'సెండ్' బటన్ ప్రెస్ చేసేముందు ఎవరికి షేర్ చేయాలనుకుంటున్నారో సెలెక్ట్ చేసుకుని వారికి పంపించొచ్చు.