Science Exhibition in Bangalore 2024: బెంగళూరులో శనివారం 'SC1560' పేరుతో 'సైన్స్ సిటీ ఆఫ్ బెంగళూరు సైంటిఫిక్ హిస్టరీ' ఎగ్జిబిషన్ ప్రారంభించారు. ఇందులో 19వ శతాబ్దంలో బెంగళూరులో పరిశోధనల కోసం శాస్త్రవేత్తలు ఉపయోగించిన అరుదైన వస్తులు ప్రదర్శించారు. దీంతోపాటు సీవీ రామన్ తబలా, సింప్యూటర్తో సహా 30 రకాల వస్తువులను ఎగ్జిబిషన్లో ప్రదర్శించారు.
మొదటి ప్రపంచ యుద్ధంలో ఉపయోగించిన ఆయుధాలు: ఇందులో ప్రదర్శించిన మొదటి ప్రపంచ యుద్ధంలో ఉపయోగించిన టార్పెడో(ఇనుప ఈటే) ప్రజల దృష్టిని ఆకర్షిస్తోంది. దీన్ని బెంగళూరులో డిజైన్ చేశారు. అప్పటి మద్రాస్ ఇంజనీర్ గ్రూప్ ఈ టార్పెడోను తయారు చేసింది. మొదటి ప్రపంచ యుద్ధం సమయంలో శత్రువులపై పోరాడేందుకు భారత సైనికులు దీన్ని ఉపయోగించారని ఎగ్జిబిషన్ నిర్వాహకులు తెలిపారు.
అట్రాక్టివ్గా మున్సెల్ రిక్టర్: 2019లో వివిధ సరస్సుల నుంచి మట్టిని సేకరించి వివిధ ప్రదేశాల్లోని నీటిలో బ్యాక్టీరియాను పెంచారు. ఇదే విధానంలో సూక్షజీవుల పునరుత్పత్తి కొనసాగిస్తున్నారు. ఆయా ప్రదేశాల్లో నేలను బట్టి వివిధ ఆకర్షణీయమైన రంగులు పిక్చర్ ఫ్రేమ్లో కన్పిస్తాయి.
డాక్టర్ సీవీ రామన్ తబలా: భౌతిక శాస్త్రవేత్త డాక్టర్ సీ.వీ రామన్ వాయిద్యాల ప్రకంపనలను అధ్యయనం చేసినప్పుడు పరిశోధన కోసం ఉపయోగించిన తబలాను ప్రదర్శనలో ఉంచారు. విసిటర్స్ కూడా ఈ తబలాను వాయించి ప్రకంపనలు వినేందుకు అవకాశం కల్పించారు.
బెంగళూరు కంప్యూటర్: 2001- 2003 సమయంలోని కంప్యూటర్ను ఈ ఎగ్జిబిషన్లో ప్రదర్శించారు. దీన్ని బెంగళూరులోని భారత ఎలక్ట్రానిక్ లిమిటెడ్ కనిపెట్టింది. కీ బోర్డు లేని ఈ కంప్యూటర్ను అప్పట్లో చాలామంది శాస్త్రవేత్తలు ఉపయోగించారు. ఇది ఇప్పటి స్మార్ట్ ఫోన్లా కనిపించినా అప్పట్లో కంప్యూటర్లా దీన్ని వినియోగించేవారు.
వివిధ ల్యాబ్స్: టెలిఫోన్ ఆవిష్కరణ, బెంగళూరు మ్యాపింగ్, సరస్సుల క్రానికల్స్, మైండ్ అండ్ మెషీన్స్, కాస్మిక్ కిరణాలు, తపాలా స్టాంపులు, ట్రాన్స్‌మిటింగ్ ఎలక్ట్రానిక్స్ వంటి 30 అంశాల పూర్తి సమాచారాన్ని ఎగ్జిబిషన్లో ప్రదర్శించారు.
ఎంట్రీ ఫీజు: ఈ ఎగ్జిబిషన్లోకి వెళ్లేందుకు సామాన్య ప్రజలకు ఎలాంటి ఫీజు లేదు. శనివారం ప్రారంభించిన ఈ కార్బన్ సైన్స్ గ్యాలరీ బుధవారం నుంచి ఆదివారం వరకు తెరచి ఉంటుంది. సోమవారం, మంగళవారం ఇది క్లోజ్ చేసి ఉంటుంది. ఈ రోజుల్లో ఉదయం 10 గంటల నుంచి రాత్రి 10 గంటల వరకు ఎగ్జిబిషన్ కొనసాగనుంది. 12 మంది సభ్యులతో కూడిన ఓ ప్రత్యేక బృందం ఎగ్జిబిషన్లో ప్రదర్శించిన సైన్స్ నమూనాలపై కన్నడ, ఆంగ్ల భాషల్లో వివరిస్తుంది.
