Discounts on iPhone 16 Series: ఐఫోన్ లవర్స్కు గుడ్న్యూస్. టెక్ దిగ్గజం యాపిల్ తన లేటెస్ట్ 'ఐఫోన్ 16' సిరీస్పై భారీ డిస్కౌంట్లు అందిస్తోంది. ఈ ఆఫర్లో 'ఐఫోన్ 16', 'ఐఫోన్ 16 ప్లస్‌', 'ఐఫోన్ 16 ప్రో', 'ఐఫోన్ 16 ప్రో మ్యాక్స్' వంటి మోడల్స్పై గరిష్టంగా రూ. 5,861 వరకు తగ్గింపును పొందొచ్చు.
ఈ ఆఫర్ ఎక్కడంటే?: అమెరికాకు చెందిన యాపిల్ సంస్థ ఈ ఆఫర్లను చైనాలో ప్రకటించింది. ఈ ఆఫర్లో భాగంగా తన లేటెస్ట్ ఐఫోన్లపై భారీ డిస్కౌంట్లు అందిస్తోంది. వాస్తవానికి యాపిల్ చైనాలోని హువావే వంటి దేశీయ బ్రాండ్ల నుంచి గట్టి పోటీని ఎదుర్కొంటోంది. ఈ కారణంగా కంపెనీ చైనాలో మాత్రమే ఈ ఆఫర్లను అందిస్తోంది. ఇందులో గరిష్టంగా ఐఫోన్లపై 500 యువాన్ ($68.50 లేదా సుమారు రూ. 5,861) వరకు తగ్గింపు ఉంటుంది.
చైనాలో ఐఫోన్లపై ఆఫర్లే.. ఆఫర్లు: యాపిల్ వెబ్సైట్ ప్రకారం.. ఎంపిక చేసిన పేమెంట్ ప్రాసెస్ ద్వారా కస్టమర్లు ఈ ఆఫర్లను పొందగలరు. వారు లేటెస్ట్ ఐఫోన్ మోడల్స్పై గరిష్టంగా 500 యువాన్ల వరకు తగ్గింపును పొందొచ్చు. కంపెనీ.. 'ఐఫోన్ 16 ప్రో', 'ఐఫోన్ 16 ప్రో మ్యాక్స్'పై 500 యువాన్ల తగ్గింపును అందిస్తుంది. అదే సమయంలో 'ఐఫోన్ 16', 'ఐఫోన్ 16 ప్లస్‌' మోడల్స్ను కొనుగోలు చేసే వినియోగదారులు 400 యువాన్ల (సుమారు రూ. 4,690) డిస్కౌంట్ను పొందగలరు. అయితే ఈ డిస్కౌంట్లు పరిమిత కాలం వరకు మాత్రమే అందుబాటులో ఉండనున్నాయి. ఈ సేల్ జనవరి 4 నుంచి ప్రారంభమై 7వ తేదీ వరకు నాలుగు రోజులపాటు కొనసాగనుంది.
చైనా టాప్-5 లిస్ట్లో యాపిల్: గతేడాది లాస్ట్ క్వార్డర్లో యాపిల్ మరోసారి చైనా మార్కెట్‌లోని స్మార్ట్ఫోన్ తయారీదారుల టాప్-5 లిస్ట్లో చేరింది. ఇంటర్నేషనల్ డేటా కార్పొరేషన్ (IDC) అందించిన డేటా ప్రకారం.. 2024 చివరి త్రైమాసికంలో యాపిల్ 15.6% మార్కెట్ వాటాతో చైనీస్ స్మార్ట్ఫోన్ మార్కెట్లో రెండో స్థానంలో నిలిచింది. అయితే ఇది 2023 మూడో త్రైమాసికంలో యాపిల్ వాటా కంటే తక్కువ. 2023 థర్డ్ క్వార్డర్లో యాపిల్ మార్కెట్ వాటా 16.1%.
2024 చివరి త్రైమాసికంలో చైనా స్మార్ట్ఫోన్ మార్కెట్లో వివో అత్యధికంగా 18.6% వాటాను కలిగి టాప్ వన్లో నిలించింది. 15.6% మార్కెట్ వాటాతో యాపిల్ రెండో స్థానంలో, 15.3% వాటాతో హువావే మూడో స్థానంలో నిలిచాయి. షావోమీ (14.8%) నాలుగో స్థానంలో, హానర్ (14.6%) ఐదో స్థానంలో ఉన్నాయి. ఇవి కాకుండా చైనాలో ఇతర బ్రాండ్ల మొత్తం మార్కెట్ వాటా 21.1%.
ఈ డేటాను గమనిస్తే.. ఈ టాప్-5 స్మార్ట్ఫోన్ కంపెనీల్లో కేవలం యాపిల్ మాత్రమే చైనాకి చెందినది కాదు. మిగిలినవన్నీ చైనాకు చెందిన బ్రాండ్లే. అంటే చైనాలో యాపిల్ కేవలం ఒక కంపెనీతో మాత్రమే కాకుండా అనేక ప్రముఖ దేశీయ స్మార్ట్ఫోన్ తయారీదారులతో పోటీ పడుతోంది. దీంతో అక్కడి మార్కెట్లో బలమైన పోటీని అందించేందుకు యాపిల్ ప్రయత్నిస్తోంది. దీనిలో భాగంగా చైనాలో తన కస్టమర్ల సంఖ్యను పెంచుకునేందురు 4 రోజుల ప్రమోషనల్ సేల్‌ను ప్రారంభించింది.
హువావే నుంచి కూడా డిస్కౌంట్స్: యాపిల్తో పాటు చైనా దేశీయ కంపెనీలు కూడా ఆఫర్లు ఇవ్వడంలో వెనకడుగు వేయడం లేదు. చైనాకు చెందిన అతిపెద్ద స్మార్ట్ఫోన్ తయారీ కంపెనీల్లో ఒకటైన హువావే కూడా యాపిల్తో పోటీ పడేందుకు పూర్తిగా సిద్ధమైంది. హువావే కూడా తన హై-ఎండ్ మొబైల్ డివైజ్ల ధరను 20% వరకు తగ్గించింది.
2020లో అమెరికా దీన్ని బ్యాన్ చేసేముందు.. హువావే ప్రపంచంలోనే అతిపెద్ద స్మార్ట్ఫోన్ తయారీదారు బ్రాండ్‌లలో ఒకటిగా ఉండేది. అయితే ఈ కంపెనీ ఇప్పుటికీ దాని దేశీయ మార్కెట్లో ఆధిపత్యం చెలాయిస్తోంది. హువావే కొన్ని నెలల క్రితం 'హువావే మేట్ XT' పేరుతో 10-అంగుళాల స్క్రీన్‌తో ట్రై-ఫోల్డ్ స్మార్ట్ఫోన్ను విడుదల చేసింది. సెప్టెంబరులో యాపిల్ తన 'ఐఫోన్ 16 సిరీస్'ను ప్రారంభించిన కొన్ని గంటలకే హువావే ఈ ట్రై ఫోల్డ్ స్మార్ట్ఫోన్ను తీసుకొచ్చింది. ప్రపంచంలో ఇదే మొట్ట మొదటి ట్రై ఫోల్డబుల్ స్మార్ట్ఫోన్ కావడం విశేషం.
పవర్ఫుల్ ప్రాసెసర్, కిర్రాక్ ఫీచర్లతో 'రెడ్మీ టర్బో 4'- దేశీయ మార్కెట్లోకి ఎంట్రీ ఎప్పుడంటే?
BSNL యూజర్లకు షాకింగ్ న్యూస్!- సంక్రాంతి నుంచి ఆ సర్వీసులు బంద్!
