Apple Mac Mini Launched: టెక్ దిగ్గజం యాపిల్ మంచి జోరు మీద ఉంది. నిన్ననే పవర్ఫుల్ M4 చిప్తో కొత్త ఐమ్యాక్ను తీసుకురాగా.. ఇవాళ సూపర్ స్పీడ్తో పనిచేసే మ్యాక్ మినీ కొత్త వెర్షన్ను లాంచ్ చేసింది. ఈ కొత్త యాపిల్ కాంపాక్ట్ డెస్క్టాప్ కంప్యూటర్ అయిన మ్యాక్ మినీలో రెండు చిప్సెట్ ఆప్షన్స్ అందుబాటులో ఉన్నాయి. ఈ సందర్భంగా దీని ధర, ఫీచర్ల గురించి మరిన్ని వివరాలను తెలుసుకుందాం రండి.
మ్యాక్ మినీ చిప్సెట్ ఆప్షన్స్:
- M4
- M4 ప్రో
ఈ రెండు చిప్సెట్స్లో M4 ప్రో అనేది సరికొత్త ఆప్షన్. ఈ కొత్త మ్యాక్ మినీ M4 వేరియంట్.. మ్యాక్ మినీ M1 కంటే 1.7 రెట్లు ఫాస్టర్ పెర్ఫార్మెన్స్ను అందిస్తుంది. మరోవైపు M4 ప్రో పవర్డ్ డెస్క్టాప్ కంప్యూటర్ బ్లెండర్‌లో 3D రెండర్‌లను 2.9 రెట్లు వేగంగా పూర్తి చేయగలదు.
M4 చిప్తో వస్తున్న మ్యాక్ మిని స్పెసిఫికేషన్స్: M4 చిప్‌సెట్‌తో తీసుకొచ్చిన మ్యాక్ మినీ.. 10-కోర్ CPU, 10-కోర్ GPU, 24GB యూనిఫైడ్ మెమరీ, 512GB వరకు ఆన్‌బోర్డ్ SSD స్టోరేజీతో వస్తుంది. M1 మోడల్‌తో పోలిస్తే ఇది గరిష్టంగా 1.8 రెట్లు CPU, GPU పనితీరు 2.2 రెట్లు మెరుగ్గా ఉంటుందని కంపెనీ తెలిపింది. ఈ కొత్త మినీ మ్యాక్ 5x5 అంగుళాలతో దీని ప్రీవియస్ జనరేషన్ మ్యాక్ కంటే చాలా చిన్న ఫారమ్ ఫ్యాక్టర్లో వస్తుంది. ఇది మ్యాక్‌విస్పర్‌లో ఆన్-డివైస్ ఏఐ (ఆర్టిఫిషియల్ ఇంటెలిజెన్స్) స్పీచ్-టు-టెక్స్ట్ 2x వేగంగా ట్రాన్స్క్రైబింగ్ చేయగలదు.
M4 ప్రో చిప్తో వస్తున్న మ్యాక్ మిని స్పెసిఫికేషన్స్: సరికొత్త M4 ప్రో చిప్ను ఈ మ్యాక్ మినీలో కంపెనీ తీసుకొచ్చింది. ఇది 14-కోర్ CPU, 20-కోర్ GPU, 64GB వరకు యూనిఫైడ్ మెమరీ, 8TB వరకు SSD స్టోరేజీతో వస్తుంది. M2 ప్రో మ్యాక్ మినీతో పోలిస్తే దీని ర్యామ్లో మోషన్ గ్రాఫిక్స్ను 2 రెట్లు వేగంగా అందజేస్తుందని యాపిల్ తెలిపింది.
మ్యాక్ మినీ కనెక్టివిటీ ఫీచర్స్: M4, M4 ప్రో చిప్సెట్స్తో వస్తున్న రెండు మ్యాక్ మినీ మోడల్స్ యాపిల్ ఇంటెలిజెన్స్కు సపోర్ట్ చేస్తాయి. ఇందులో USB 3 స్పీడ్తో రెండు USB టైప్-C పోర్ట్స్, ముందు భాగంలో 3.5mm హెడ్‌ఫోన్ జాక్ ఉంటుంది. మ్యాక్ మినీ M4 వెనకవైపు మూడు Thunderbolt 4 పోర్ట్స్ ఉండగా.. M4 Pro వేరియంట్‌లో మూడు Thunderbolt 5 పోర్ట్స్ ఉంటాయి. ఈ రెండు మోడల్స్లో గిగాబిట్ ఈథర్నెట్, HDMI పోర్ట్స్ ఉంటాయి.
ధర: ఇండియన్ మార్కెట్లో M4 చిప్తో మినీ మ్యాక్ 10-కోర్ CPU, 10-కోర్ GPU, 16GB యూనిఫైడ్ మెమరీ, 256GB ఆన్‌బోర్డ్ SSD స్టోరేజీతో వచ్చే బేస్ మోడల్ ధర రూ.59,900 నుంచి ప్రారంభమవుతుంది. ఈ మోడల్ను గరిష్టంగా 24GB RAM, 512GB స్టోరేజీతో కాన్ఫిగర్ చేయొచ్చు.
మరోవైపు M4 ప్రో చిప్తో మినీ మ్యాక్ 12-కోర్ CPU, 16-కోర్ GPU, 24GB యూనిఫైడ్ మెమరీ, 512GB ఆన్‌బోర్డ్ SSD స్టోరేజీతో వచ్చే మోడల్ ధర రూ.1,49,900. యూజర్స్ 14-కోర్ CPU, 20-కోర్ GPU, 64GB యూనిఫైడ్ మెమరీ, 8TB వరకు SSD స్టోరేజీతో మ్యాక్ మినీని కస్టమైజ్ చేయొచ్చని యాపిల్ తెలిపింది.
ఈ రెండు మోడల్స్కు 10-బిట్ గిగాబిట్ ఈథర్నెట్‌ను యాడ్ చేసుకోవచ్చు. అయితే ఇందుకోసం రూ. 10,000లను అదనంగా వెచ్చించాల్సి ఉంటుంది. ఈ కొత్త మ్యాక్ మినీని యాపిల్ స్టోర్స్, యాపిల్ ఆథరైజ్డ్ రిటైలర్స్ నుంచి ప్రీ- ఆర్డర్ చేసుకోవచ్చు. వీటి షిప్పింగ్ నవంబర్ 8వ తేదీ నుంచి ప్రారంభమవుతుంది.
దీపావళి వేళ ఖరీదైన మోటార్సైకిల్ లాంచ్- కొంటే ఇలాంటి బైక్ కొనాలి భయ్యా..!
ఇండియన్ లాంగ్వేజెస్ కోసం సర్వమ్-1 లాంచ్- ఇకపై ఆ సమస్య తీరినట్లే..!
