Apple ipad Mini with Apple Intelligence: టెక్ దిగ్గజం యాపిల్ మార్కెట్లోకి ఓ సరికొత్త మినీ ఐప్యాడ్ను తీసుకొచ్చింది. ఇది A17 ప్రో చిప్, యాపిల్ ఇంటెలిజెన్స్తో నడుస్తుంది. అద్భుతమైన ఫీచర్లతో పాటు అల్ట్రాపోర్టబుల్ డిజైన్‌తో ఈ కొత్త మినీ ఐప్యాడ్ను తీసుకొచ్చింది. ఇది దీని ప్రీవియస్ వెర్షన్ ఐప్యాడ్ మినీ కంటే 2x వేగవంతమైన న్యూరల్ ఇంజిన్‌తో పాటు Apple పెన్సిల్ ప్రోకి సపోర్ట్ చేస్తుంది. ఈ కొత్త ఐప్యాడ్ మినీ న్యూ బ్లూ, పర్పుల్తో సహా నాలుగు ఫినిషింగ్లో మార్కెట్లో అందుబాటులో ఉంది. మార్కెట్లో దీని ప్రీ- ఆర్డర్ సేల్స్ ప్రారంభమయ్యాయి. అక్టోబర్ 23 నుంచి ఇది మార్కెట్లో అందుబాటులో ఉంటుంది. ఈ సందర్భంగా యాపిల్ మినీ ఐప్యాడ్ ధర, ఫీచర్లపై మరిన్ని వివరాలు మీకోసం.
ఫీచర్స్:
- డిస్ప్లే: 8.3-అంగుళాల లిక్విడ్ రెటినా
- Apple పెన్సిల్ ప్రో సపోర్ట్
- ఫాస్టర్ CPU అండ్ GPU
- బ్యాక్ కెమెరా: 12MP
దీని ధర:
- యాపిల్ మినీ ఐప్యాడ్ Wi-Fi మోడల్ ధర: రూ. 49,990 నుంచి ప్రారంభం
- Wi-Fi + సెల్యులార్ మోడల్ ధర: రూ. 64,900 నుంచి ప్రారంభం
స్టూడెంట్స్కు స్పెషల్ ఆఫర్: ఈ కొత్త ఐప్యాడ్ మినీ దాని పాత వెర్షన్ కంటే రెట్టింపు స్టోరేజీని కలిగి ఉంది. ఇది 128GB స్టోరేజీతో ప్రారంభమవుతుంది. కొత్త ఐప్యాడ్ మినీ 256GB, 512GB కాన్ఫిగరేషన్‌లలో కూడా అందుబాటులో ఉంది. ఇది యాపిల్ ఇంటెలిజెన్స్ సపోర్ట్తో రావడంతో మరింత యూజర్ ఫ్రెండ్లీగా ఉండనుంది. ఎడ్యుకేషన్ కోసం ఐప్యాడ్ మినీ ప్రారంభ ధర రూ. 44,900 అని కంపెనీ తెలిపింది. అంటే ఇది స్టూడెంట్స్, అధ్యాపకులు, సిబ్బంది, హోమ్- స్కూల్ టీచర్స్కు స్పెషల్ ఆఫర్లో ఇది అందుబాటులో ఉంది.
"కొత్త ఐప్యాడ్ మినీ వైడ్ రేంజ్ యూజర్స్ను ఆకర్షిస్తుంది. ఇది యాపిల్ ఇంటెలిజెన్స్తో వస్తుంది. పవర్ఫుల్, పర్సనల్ అండ్ ప్రైవేట్గా ఉండే ఇంటెలిజెంట్ ఫీచర్లతో ఈ మినీ ఐప్యాడ్ వస్తుంది." - బాబ్ బోర్చర్స్, యాపిల్ వరల్డ్‌వైడ్ ప్రొడక్ట్ మార్కెటింగ్ వైస్ ప్రెసిడెంట్
కంపెనీ తెలిపిన వివరాల ప్రకారం.. యాపిల్ ఇంటెలిజెన్స్ ఫీచర్ల ఫస్ట్ సెట్ ఈ నెలలో యూఎస్ ఇంగ్లీషులో iPadOS 18.1తో ఫ్రీ సాఫ్ట్‌వేర్ అప్‌డేట్తో అందుబాటులో ఉంటుంది. A17 ప్రో లేదా M1 తర్వాత ఐప్యాడ్‌కు అందుబాటులో ఉంటుంది.
