Apple Macbook Pro: టెక్ దిగ్గజం యాపిల్ తన కస్టమర్లకు వరుస పెట్టి గుడ్న్యూస్లు చెప్తోంది. ఇప్పటికే వరుసగా కొత్త ఐమ్యాక్, మ్యాక్ మినీ కొత్త వెర్షన్ను లాంచ్ చేయగా తాజాగా M4 సిరీస్ చిప్లతో కొత్త మ్యాక్బుక్ ప్రో మోడల్ను తీసుకొచ్చింది. ఇవి ఫాస్టెస్ట్, అడ్వాన్స్డ్ చిప్లు. ఈ మ్యాక్బుక్ ప్రో 14, 16 అంగుళాల స్క్రీన్ సైజుల్లో వస్తుంది. కంపెనీ దీని డిజైన్లో ఎటువంటి ముఖ్యమైన మార్పులూ చేయలేదు. ఇది దాని పాత వెర్షన్ మాదిరిగానే కన్పిస్తుంది. అయితే దీని ఫీచర్లు, రా హార్డ్వేర్ పెర్ఫార్మెన్స్ పరంగా ఇది ఇంతకుముందు వాటికంటే చాలా పవర్ఫుల్గా ఉంటుంది. మరెందుకు ఆలస్యం దీని ధర, ఫీచర్లపై మరిన్ని వివరాలు మీకోసం.
చిప్సెట్ ఆప్షన్స్: ఈ కొత్త యాపిల్ మ్యాక్బుక్ ప్రో మూడు చిప్సెట్ల ఆప్షన్స్తో వస్తుంది.
- M4
- M4 ప్రో
- M4 మాక్స్
ఈ కొత్త మ్యాక్బుక్ ప్రో బేస్ వేరియంట్ 8-కోర్ CPU, 8-కోర్ GPU, 16GB RAMతో కూడిన M4 చిప్‌ను కలిగి ఉంటుంది. కానీ M4 ప్రో చిప్‌లో 10 పెర్ఫార్మెన్స్ కోర్‌లు, 4 ఎఫిషియెన్సీ కోర్‌లతో 14-కోర్ CPU ఉంటుంది. 20-కోర్ GPU M4తో పోలిస్తే రెట్టింపు పనితీరును అందిస్తుంది. అంతేకాక ఇది 64GB వరకు ఇంటిగ్రేటెడ్ మెమరీకి సపోర్ట్ చేస్తుంది. మీకు ఇంకా ఎక్కువ పవర్ కావాలంటే యాపిల్ కొత్తగా తీసుకొచ్చిన M4 మ్యాక్స్ చిప్‌లో 16-కోర్ CPU, 40-కోర్ GPU, 128GB వరకు ఇంటిగ్రేటెడ్ మెమరీ ఉంటుంది.
ఈ మ్యాక్బుక్ ప్రో 'ఆల్-న్యూ నానో-టెక్చర్ డిస్‌ప్లే ఆప్షన్'తో వస్తుందని యాపిల్ తెలిపింది. ఇది గెలాక్సీ S24 అల్ట్రాలో శాంసంగ్ యాంటీ రిఫ్లెక్టివ్ కోటింగ్ మాదిరిగానే రిఫ్లెక్షన్స్తో వచ్చే లైటింగ్, డిస్ట్రాక్షన్స్ను తగ్గించడంలో ఉపయోగపడుతుంది. ఇందులోని కొత్త పోర్టబుల్ పవర్హౌస్లు ఇప్పుడు లైటింగ్ కండీషన్స్లో 1,000 నిట్స్ వరకు ఉంటాయి. అంతేకాక HDR కంటెంట్‌ను వీక్షించేటప్పుడు గరిష్టంగా 1,600 నిట్స్ బ్రైట్నెస్ను ఇస్తుంది.
మూడు థండర్‌బోల్ట్ 4 పోర్ట్స్: కొత్త మ్యాక్బుక్ ప్రో లోని అన్ని చిప్ వేరియంట్స్ 12MP సెంటర్ స్టేజ్ కెమెరాతోనే వస్తాయి. ఇది తక్కువ లైటింగ్ కండీషన్స్లో సహాయపడుతుంది. యూజర్స్ కదులుతున్నప్పటికీ ఇది ఫ్రేమ్ను ఆటోమేటిక్గా ఫోకస్ చేస్తుంది. కొత్త మ్యాక్ మినీ మాదిరిగానే ఇందులో M4 వెర్షన్‌తో మూడు Thunderbolt 4 పోర్ట్‌లు ఉంటాయి. కానీ M4 ప్రో, M4 మ్యాక్ చిప్లతో వస్తున్న మ్యాక్బుక్ ప్రో మాత్రం మూడు Thunderbolt 5 పోర్ట్‌లను కలిగి ఉంటాయి.
ఇతర కనెక్టివిటీ ఫీచర్స్: HDMI పోర్ట్, SDXC కార్డ్ స్లాట్, ఛార్జింగ్ కోసం MagSafe 3 పోర్ట్, 3.5mm హెడ్‌ఫోన్ జాక్ ఉన్నాయి. తాజా ఆపిల్ ఉత్పత్తుల మాదిరిగానే కొత్త మ్యాక్బుక్ ప్రో కూడా యాపిల్ ఇంటెలిజెన్స్ ఫీచర్స్కు సపోర్ట్ చేస్తుంది.
ధర:
- మార్కెట్లో M4 చిప్తో 14-అంగుళాల మ్యాక్బుక్ ప్రో ధర రూ. 1,69,900 నుంచి ప్రారంభమవుతుంది.
- M4 ప్రో చిప్తో మ్యాక్బుక్ ప్రో ధర రూ. 1,89,900 నుంచి ప్రారంభమవుతుంది.
- M4 మ్యాక్స్ చిప్ వేరియంట్ మ్యాక్బుక్ ప్రో ధర రూ. 2,09,900 నుంచి ప్రారంభమవుతుంది.
ఈ కొత్త మ్యాక్బుక్ ప్రో ప్రీ-బుకింగ్స్ మార్కెట్లో ఇప్పటికే అందుబాటులో ఉన్నాయి. నవంబర్ 8 నుంచి వీటిని యాపిల్ అధికారిక వెబ్సైట్, ఆఫ్లైన్ స్టోర్స్ నుంచి కొనుగోలు చేయొచ్చు.
వన్ప్లస్ నుంచి కొత్త ఫోన్ రిలీజ్- దీని స్పెషాలిటీ ఏంటో తెలుసా?
గ్లో ఇన్ ది డార్క్ రేర్ ప్యానెల్‌తో నథింగ్ ఫోన్- లిమిటెడ్ సేల్స్.. వెంటనే త్వరపడండి!
