Whatsapp Security Tips : ప్రస్తుత కాలంలో వాట్సాప్ వాడని వారంటూ లేరంటే అది అతిశయోక్తి కాదు. చాలా సులువుగా పర్సనల్ చాట్లు చేయడానికి, ఇతరులతో కమ్యునికేట్ కావడానికి వీలుగా ఉండడమే ఇందుకు కారణం. అయితే సైబర్ దాడులు పెరుగుతున్న నేటి కాలంలో, మీ వాట్సాప్ అకౌంట్ను సేఫ్గా ఉంచుకోవడం చాలా అవసరం. ఈ క్రమంలో మీ వాట్సాప్ ఖాతాను సురక్షితంగా ఉంచుకునేందుకు అవసరమైన 7 టిప్స్ ఏంటో చూద్దాం.
1. టూ-స్టెప్ వెరిఫికేషన్ మస్ట్!
మీ వాట్సాప్ అకౌంట్కు కచ్చితంగా 'రెండు అంచెల ధ్రువీకరణ' (టూ-స్టెప్ వెరిఫికేషన్)ను ఎనేబుల్ చేసుకోవాలి. అలాగే దానికి పటిష్ఠమైన 6 అంకెల పిన్ను పెట్టుకోవాలి. ఆ పిన్ ఎవరూ ఊహించలేని విధంగా, చాలా పటిష్ఠంగా ఉండేలా చూసుకోవాలి. మీరు ఏదైనా కొత్త డివైజ్లో, లేదా వేరేవాళ్ల డివైజ్లో వాట్సాప్ ఉపయోగించినప్పుడు, ఎస్ఎంఎస్ ద్వారా వెరిఫికేషన్ కోడ్ వచ్చేలా చూసుకోవాలి. అప్పుడే మీ ఖాతా సురక్షితంగా ఉంటుంది.
- వాట్సాప్ ఓపెన్ చేసి సెట్టింగ్స్లోకి వెళ్లాలి
- ఆ తర్వాత టూ-స్టెప్ వెరిఫికేషన్ను ఎంచుకోవాలి
- ఎనేబుల్ ఆప్షన్ పై క్లిక్ చెయ్యాలి
- ఆపై ఆరు అంకెల్ పిన్ సెట్ చేసుకుని కన్ఫర్మ్ చేయాలి
- అలాగే అందులో మీరు కావాలంటే ఈ-మెయిల్ ఇవ్వొచ్చు.
2. వాట్సాప్ వెబ్తో జాగ్రత్త!
మీ వాట్సాప్ ఖాతా ఏఏ డివైజ్లలో యాక్టివ్గా ఉందో ట్రాక్ చేయడం చాలా అవసరం. వాస్తవానికి వాట్సాప్లోనే మీరు ఏఏ డివైజ్లలో లాగిన్ అయి ఉన్నారో, ఆ జాబితా కనిపిస్తుంది. ఒకవేళ ఆ జాబితాలో మీకు తెలియని డివైజ్లు ఉన్నా, లేదా అనధికారికంగా ఎవరైనా మీ వాట్సాప్ను వాడుతున్నట్లు గమనించినా, వెంటనే దాని నుంచి లాగౌట్ అవ్వాలి. ముఖ్యంగా పబ్లిక్ కంప్యూటర్లలో వాట్సాప్ వాడుతున్నవారు ఈ టిప్ పాటించి, తమ ఖాతాను సురక్షితంగా ఉంచుకోవచ్చు.
- ఫోన్లో వాట్సాప్ను ఓపెన్ చేయాలి
- సెట్టింగ్స్లోకి వెళ్లి, లింక్డ్ డివైజ్లోకి వెళ్లాలి
- అందులో మీకు తెలియని డివైజ్లు ఉన్నా లేదా అనధికారికంగా ఎవరైనా మీ వాట్సాప్ను వాడుతున్నట్లు గమనించినా వెంటనే దాన్నుంచి లాగౌట్ అవ్వాలి.
3. రీడ్ రిసీట్స్ను డిసేబుల్ చేయండి
మీకు వాట్సాప్లో వచ్చిన మెసేజ్లు చూసినట్టు ఇతరులకు తెలియకూడదంటే సెట్టింగ్స్లో ప్రైవసీ ఆప్షన్స్లో read receipts ఆఫ్ చేస్తే చాలు. అలా చేయడం వల్ల మీరు మెసేజ్ చూసినట్లు బ్లూ టిక్స్ ఇతరులకు కనిపించవు.
- వాట్సాప్ సెట్టింగ్స్లోకి వెళ్లాలి
- ప్రైవసీ ఆప్షన్పై క్లిక్ చెయ్యాలి
- read receipts ఆప్షన్ను ఆఫ్ చెయ్యాలి
4. డిస్అపియరింగ్‌ మెసేజెస్ ఆప్షన్ను ఎంచుకోండి
వాట్సాప్ డిస్అపియరింగ్‌ మెసేజెస్ ఆప్షన్ను తీసుకొచ్చింది. ఇందులో చాట్లో పంపిన మెసేజ్లు వారం తర్వాత అవే ఆటోమెటిక్గా డిలీట్ అయిపోతాయి. ఈ ఫీచర్ను ఎనేబుల్ చేసుకోవాలి.
- వాట్సాప్లో చాట్ను ఓపెన్ చెయ్యాలి
- ఆ తర్వాత కాంటాక్ట్ నేమ్పై క్లిక్ చెయ్యండి
- ఆపై డిస్అపియరింగ్‌ మెసేజెస్ ఆప్షన్ను ఎనేబుల్ చేసుకోండి
5. వేర్వేరు టోన్స్ పెట్టుకోండి
- మీ ఫోన్లోని వాట్సాప్ గ్రూప్ల కోసం నోటిఫికేషన్ల కోసం ప్రత్యేకమైన టోన్స్ను పెట్టుకోండి.
- మీకు కావాల్సిన వాట్సాప్ గ్రూప్ ఇన్ఫోలోకి వెళ్లండి
- కిందకు స్క్రోల్ చేసి, కస్టమ్ నోటిఫికేషన్ ఆప్షన్ను సెలెక్ట్ చేసుకోండి
- అక్కడ నోటిఫికేషన్ టోన్ను ఎంచుకోండి.
- అప్పుడు ఈ వాట్సాప్ గ్రూప్లో ఏదైనా మెసేజ్ వచ్చినప్పుడు మీరు ఎంచుకున్న టోన్ ప్లే అవుతుంది.
6. వాట్సాప్ గ్రూప్ నుంచి ఇలా వైదొలగండి!
కొన్నిసార్లు మనకు నచ్చని వాట్సాప్ గ్రూప్లో కొందరు యాడ్ చేస్తుంటారు. అందులో నుంచి ఎలా బయటపడాలని ఆలోచిస్తాం. ఒకవేళ ఎగ్జిట్ అయితే నోటిఫికేషన్ వెళ్తుందనుకుంటాం. అలాంటప్పుడు గ్రూపులోని సభ్యులకు నోటిఫికేషన్ వెళ్లకుండా జాగ్రత్తపడొచ్చు.
- వాట్సాప్లో మీరు ఎగ్జిట్ అవ్వాలనుకుంటున్న గ్రూపు చాట్ను ఓపెన్ చేయండి
- స్క్రీన్ పైభాగంలో ఉన్న గ్రూప్ నేమ్పై క్లిక్ చెయ్యండి
- కిందికి స్క్రోల్ చేసి, ఎగ్జిట్ గ్రూప్ బటన్పై క్లిక్ చెయ్యండి
- ఆ తర్వాత ఎగ్జిట్ గ్రూప్ ఎగైన్పై క్లిక్ చెయ్యండి
7. ప్రైవసీ సెట్టింగ్స్
మీ వాట్సాప్ ప్రొఫైల్ ఫొటో, స్టేటస్, లాస్ట్ సీన్ స్టేటస్లను ఎవరెవరు చూడాలో మీరే నిర్ణయించుకోవాలి. మీ కాంటాక్ట్స్లో లేనివారు, అపరిచితులు మీ పర్సనల్ విషయాలు చూడకుండా మీరే స్వయంగా సెట్టింగ్స్ చేసుకోవాలి. ఇందుకోసం వాట్సాప్ ప్రైవసీ సెట్టింగ్స్లోకి వెళ్లి తగు మార్పులు చేసుకోవాలి.
- వాట్సాప్ ఓపెన్ చేసి సెట్టింగ్స్లోకి వెళ్లాలి
- ఆ తర్వాత ప్రైవసీపై క్లిక్ చెయ్యండి
- లాస్ట్ సీన్, ప్రొఫైల్ ఫొటో, స్టేటస్ను మీ కాంటాక్ట్లు ఉన్న ఎవరెవరు చూడాలో ఎంచుకోండి.
ఇకపై వాట్సాప్‌లోనూ యూజర్ నేమ్ క్రియేషన్‌- నంబర్‌ లేకున్నా చాట్ చేసేయొచ్చు! - Whatsapp New Feature
