2025 Jeep Meridian SUV Launched: దీపావళి పండగ వేళ మార్కెట్లోకి కొత్త కారు వచ్చింది. జీప్ ఇండియా తన అప్డేటెడ్ 2025 జీప్ మెరిడియన్ SUVని ఇండియన్ మార్కెట్లో లాంచ్ చేసింది. కంపెనీ ఈ 3- వరుసల జీప్ మెరిడియన్ SUV మిడ్-లైఫ్ అప్‌డేట్‌ను రూ. 24.99 లక్షల (ఎక్స్-షోరూమ్) ప్రారంభ ధరతో తీసుకొచ్చింది. మార్కెట్లో దీని బుకింగ్స్ ఇప్పటికే స్టార్ట్ అయ్యాయి. ఐదు వేరియంట్స్లో ఏడు-సీట్ల కాన్ఫిగరేషన్‌లలో ఇది మార్కెట్లో అందుబాటులో ఉంది. మరెందుకు ఆలస్యం దీని ధర, ఫీచర్లపై మరిన్ని వివరాలు తెలుసుకుందాం రండి.
ఫీచర్లు: ఇందులో లెవెల్ 2 ADAS సూట్తో పాటు మరిన్ని కనెక్టివిటీ ఫీచర్లను న్యూ టెక్నాలజీతో తీసుకొచ్చారు. ఈ కారు 10.1-అంగుళాల ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే కనెక్టివిటీ, వైర్‌లెస్ ఛార్జర్, డ్యూయల్-జోన్ క్లైమేట్ కంట్రోల్‌తో 10.2-అంగుళాల డిజిటల్ ఇన్‌స్ట్రుమెంట్ ప్యానెల్‌ను కలిగి ఉంది.
వీటితో పాటు ఇందులో పనోరమిక్ సన్‌రూఫ్, పవర్డ్ అండ్ వెంటిలేటెడ్ ఫ్రంట్ సీట్లు ఉన్నాయి. ఎంట్రీ-లెవల్ లాంగిట్యూడ్ వేరియంట్ ఐదు-సీట్ల వేరియంట్లో మాత్రమే అందుబాటులో ఉండగా, మిగతా అన్ని వేరియంట్‌లు ఏడు సీట్లతో వస్తున్నాయి. ఇందులో బేస్ వేరియంట్లో పవర్డ్, వెంటిలేటెడ్ ఫ్రంట్ సీట్లు, సన్‌రూఫ్ వంటి కొన్ని ఫీచర్లు ఉండవు.
వేరియంట్స్:
- లాంగిట్యూడ్
- లాంగిట్యూడ్ ప్లస్
- లిమిటెడ్ (O)
- ఓవర్‌ల్యాండ్
ఎక్స్టీరియర్ డిజైన్: ఈ 2025 జీప్ మెరిడియన్ ఎక్స్టీరియర్లో కంపెనీ ఎలాంటి మార్పులూ చేయలేదు. ఇది 7-స్లాట్ గ్రిల్, DRLతో సొగసైన LED హెడ్‌ల్యాంప్స్, వేరియంట్‌ను బట్టి డిఫరెంట్ పాటెర్న్లో 18-అంగుళాల అల్లాయ్ వీల్స్, సొగసైన LED టెయిల్‌ల్యాంప్స్తో అదే ఫాసియాతో వస్తోంది.
పవర్‌ట్రెయిన్: ఈ కొత్త అప్డేటెడ్ జీప్ మెరిడియన్ పవర్‌ట్రెయిన్‌లో ఎలాంటి మార్పులు చేయలేదు. ఇది దాని పాత వెర్షన్లో ఉన్నట్లుగానే 6-స్పీడ్ మాన్యువల్, 9-స్పీడ్ ఆటోమేటిక్ టార్క్ కన్వర్టర్ గేర్‌బాక్స్‌తో అదే 2.0-లీటర్ డీజిల్ ఇంజిన్తో వస్తోంది. ఈ ఇంజన్ 168బిహెచ్‌పి పవర్, గరిష్టంగా 350ఎన్ఎమ్ టార్క్ను జనరేట్ చేస్తుంది. ఇది దాని పాత మోడల్లో ఉన్నట్లుగా 4x2, 4x4 వెర్షన్లలో కూడా అందుబాటులో ఉంది.
2025 జీప్ మెరిడియన్ ధర:
- లాంగిట్యూడ్ వేరియంట్ ధర (5-సీటర్): రూ. 24.99 లక్షలు
- లాంగిట్యూడ్ ప్లస్ వేరియంట్ ధర: రూ. 27.5 లక్షలు
- లిమిటెడ్ (O) వేరియంట్ ధర: రూ. 30.49 లక్షలు
- ఓవర్‌ల్యాండ్ వేరియంట్ ధర: రూ. 36.49 లక్షలు
స్మార్ట్‌ఫోన్‌ల తయారీలో భారత్‌ సరికొత్త రికార్డ్- భారీగా వృద్ధి రేటు..!
వాట్సాప్లో ఇంట్రస్టింగ్ చాట్ మెమరీ ఫీచర్!- ఇది ఎలా పనిచేయనుందంటే?
